ນາຍພົນຮັບຕໍາແໜ່ງເຈົ້າແຂວງ ໄຊສົມບູນ

ອະວາຣີ
2016-02-18
ອີແມວລ໌
ຄໍາເຫັນ
Share
ພິມ
ແຂວງໄຊສົມບູນ ສປປ ລາວ
ແຂວງໄຊສົມບູນ ສປປ ລາວ
Wikipedia

ທາງການລາວ ແຕ່ງຕັ້ງ ນາຍພົນຕຣີ ໃຫ້ໄປຮັບ ຕໍາແໜ່ງ ເປັນເຈົ້າແຂວງ ໄຊສົມບູນ ຄົນໃໝ່ ຫລັງຈາກ ມີເຫດ ຣະເບີດແຕກ ແລະ ຍິງກັນ ຫຼາຍຄັ້ງ. ທາງການລາວ ແຕ່ງຕັ້ງ ພົນຕຣີ ທອງ ລອຍ ສີລິວົງ ໃຫ້ເປັນ ເຈົ້າແຂວງ ໄຊສົມບູນ ແທນ ດຣ. ສົມບັດ ເຢັຽລີເຮີ ເມື່ອ ວັນອັງຄານ ວັນທີ່ 16 ເດືອນ ກຸມພາ ນີ້ ທີ່ເມືອງ ອະນຸວົງ ແຂວງ ໄຊສົມບູນ.

ໜັງສືພິມ ວຽງຈັນທາມສ ຂອງ ທາງການລາວ ຣາຍງານວ່າ ພົນຕຣີ ທອງລອຍ ຫາກໍຖືກ ແຕ່ງຕັ້ງ ໃຫ້ເປັນ ສະມາຊິກ ຄນະ ກັມມະການ ສູນກາງ ພັກໃໝ່ໆ ເມື່ອ ເດືອນທີ່ແລ້ວ ແລະ ກໍເຄີຍເປັນ ຣັຖມົນຕຣີ ຊ່ວຍວ່າການ ກະຊວງ ປ້ອງກັນ ປະເທດ.

ແຕ່ວຽງຈັນທາມສ ບໍ່ໄດ້ແຈ້ງ ເຫດຜົນ ຫລື ສາເຫດ ລະອຽດ ວ່າເປັນຫຍັງ ຣັຖບານລາວ ຈຶ່ງແຕ່ງຕັ້ງ ນາຍທະນາຍ ຊັ້ນສູງ ໄປເປັນເຈົ້າແຂວງ ຄົນໃໝ່ ຂອງແຂວງ ໄຊສົມບູນ. ແຕ່ກ່ອນນີ້ ບໍ່ດົນ ວິທຍຸ ເອເຊັຽເສຣີ ຂອງ ພວກເຮົາ ໄດ້ ອອກຂ່າວ ໄປແລ້ວວ່າ ມີຄົນຮ້າຍ ວາງຣະເບີດ ແລະ ຍິງຣົດ ຫຼາຍຄັ້ງຢູ່ ແຂວງ ໄຊສົມບູນ ໃນຣະຍະ ສອງສາມ ເດືອນ ຜ່ານມາ; ຄັ້ງທີ່ ຮ້າຍແຮງ ເມື່ອວັນທີ 24 ເດືອນ ທີ່ແລ້ວ ຈົນເຮັດໃຫ້ ຄົນຈີນ ເສັຽຊີວິດ ສອງຄົນ ແລະ ອີກຜູ້ນຶ່ງ ບາດເຈັບ.

ເມື່ອຕົ້ນ ອາທິດ ນີ້ ທາງການ ສະຫະຣັຖ ກໍປະກາດ ເຕືອນຊາວ ອະເມຣິກັນ ໃຫ້ ຣະມັດຣະວັງ ບໍ່ຈຳເປັນ ບໍ່ຕ້ອງ ເດີນທາງໄປ ແຂວງ ໄຊສົມບູນ ເພາະ ມັກມີການ ວາງຣະເບີດ ຕາມຖນົນ ເປັນບາງຄັ້ງ ບາງຄາວ. ໃນຂນະ ດຽວກັນ ສະຖານທູດ ສະຫະຣັຖ ອະເມຣິກາ ປະຈຳລາວ ກໍອອກ ປະກາດ ຫ້າມ ເຈົ້າໜ້າທີ່ ສະຖານທູດ ເດີນທາງໄປ ແຂວງ ໄຊສົມບູນ ເຊັ່ນກັນ.

ຄໍາເຫັນ (6)
Share

ທອງດີ

ຈາກ ວັດໄຕ ອາຊົງກອງພົນນ້ອຽ

ການ ປົດຕຳແໜ່ງ ອອກຈາກ ແຂວງໄຊສົມບູນ ຂອງ ພະນະທ່ານ ສົມບັດ ເຍ່ຍລິເຮີ ນັ້ນ ເປັນເຫດໃຫ້ ບັນດາແກນນຳຂອງ ຊົນເຜົານັ້ນມີ ຈູດອອ່ນຢ່າງ ໃຫຍ່ຫລວງ ພິນ້ອງ ເປັນ ຊົນເຜົາໜື້ງໃນ ປະເທດລາວ ທີ່ມິຖານະບົດບາດອັນລົ້ນເຫລືອໃນ ເວລາຕໍ່ສູ້ ມົ້ງ ໄດ້ຈົງຮັກພັກດີ ຕໍ່ຜູ້ນາມແນວລາວຮັກຊາດ ລັດຖະບານຈະປົດອຳນາດ ຄວນສືກສາໃຫ້ ລະອຽດ ເມືອ ມົ້ງ ແຕກແຍກຈາກ ປະຊາຊົນລາວແລ້ວ ຈະເປັນ ບັນຫາ ຍາກ ທິ່ຈະແກ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 28, 2016 12:51 PM

ເສຍດາຍ

ຈາກ ພູວົງ

ຄວາມເປັນມາກສິດຂອງພັກຄ້ອມມຸຍນິດ ໃນປະຈຸບັນ ແມ່ນຍັງເປັນພຽງທິດສະດີເທົ່ານັ້ນ.... ລະບົບການປົກຄອງ ໃນປະຈຸບັນ ແມ່ນການປົກຄອງຕາມຄອບຄົວ, ຈຸ້ມເຈື້ອ, ເຊື້ອສາຍ.....


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 28, 2016 12:28 PM

ສິສົມພອນ

ຈາກ ໄຊສົມບູນ

ທີ່ ກອງບັນຊາການ ທະຫານ ແຂວງໄຊສົມບູນ. ເຖິງພິນ້ອງ ທູກຊົນຊາດຊົນເຜົາ ໂດຍສະເພາະ ຄື ພິນ້ອງມົ້ງແລະຂະມຸ ຊິງເຄີຍຖືວ່າເປັນ ສາມຊົນຊາດໃຫ່ຍ ທີ່ມີບົດບາດສຳຄັນ ໃນການກອບກູ້ເອກະລາດ ສາມະຄີກັນ ຄື ລາວມົ້ງ ແລະຂະມຸ ເມືອປິ 1945-1955 ທີ່ມີ ສະຫາຍ ສຸພານຸວົງ ສະຫາຍ ໄຟດ່າລໍ່ ເບັຣຽຢາວ ແລະ ສະຫາຍ ສິທົນ ກົມມະດຳ ເປັນແກ່ນນຳ ຂອງສາມຊົນຊາດໃຫ່ຍຊຸດແລກ ທີ່ຮ່ວມກັນສ້າງຕັ້ງ ສູນກາງແນວລາວອິດສະລະ ແລະຕໍ່ໄປກໍ່ກາຍເປັນ ແນວລາວຮັກຊາດ ເປັນຕົ້ນມາ: ທີ່ສູນກາງ ແນວລາວຕໍ່ຕ້ານ ໄດ້ລະບຸໄວ້ເປັນໄລຫລັກອັກສອນ ວ່າ ເມືອໃດປະເທດຊາດ ໄດ້ຮັບເອກະລາດ ແລ້ວ ສາມຊົນຊາດໃຫຍ່ ຈະຕ້ອງໄດ້ບໍລິຫານ ປະເທດຊາດ ຢ່າງເທົາທຽມກັນ ແຕ່ມາຮອດປະຈູບັນ ພັກປະຊາຊົນປະຕິວັດລາວ ໄດ້ພະຍາຍາມຫາທາງ ດັບສູນພວກ ຂະມຸ ແລະ ມົ້ງເປັນ ໄລຍະ ໄປ ໂດຍທັງອອ້ມ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 25, 2016 02:29 PM

ກົງ

ຈາກ ເມືອງຟ້າ ຢູ່ລາວ

ປະຈຸບັນນີ້ ຂ້າພະເຈົ້າຄິດວ່າ ໃຜເປັນຜູ້ນຳລາວກໍ່ໄດ້ ເພາະວ່າລ້ວນແຕ່ແມ່ນຄົນລາວ, ຢາກໃຫ້ຄົນເຜົ່າມົ້ງໄດ້ເປັນເຈົ້າແຂວງ ຫຼາຍຄົນແດ່ ເພາະວ່າເວລາຕ້ານສົງຄາມ ຕີເສີກຢູ່ພາກເໜືອ ປະເທດລາວ ມີແຕ່ຄົນມົ້ງ ຈຳນວນໜຶ່ງເປັນຫຼັກ ຈຶ່ງໄດ້ໄຊຊະນະສັດຕູ, ສະນັ້ນ, ອັນໃດດີກໍ່ແບ່ງ ໃຫ້ເປັນນາຍແດ່ ແມ່ນບໍ່


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 23, 2016 02:34 PM

ຢົງ

ຈາກ ກາຢາ

ຄົນເຮົາໃຜທຳດີຂໍໃຫ້ຟ້າ ແລະ ເອົາບຸນສົ່ງບຸນມາໃຫ້ໄດ້ດີ ແຕ່ໃຜທຳຊົ່ວ ຂໍໃຫ້ມັນມົນໝອງເສຍຈິດ ແລະ ຢ່າມາເປັນຜູ້ນຳລາວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 23, 2016 02:30 PM

ເບິ່ງຄວາມເຫັນທັງໝົດ.

ເຕັມຫນ້າ