ນາງ ຈັນທະສອນ ອີນທະວົງ ເກີດທີ່ ປະເທດລາວ ໄປສືກສາ ຢູ່ປະເທດຍີ່ປຸ່ນ ແລະ ກໍ່ໄດ້ແຕ່ງງານ ກັບຄົນ ຍີ່ປຸ່ນ ຢູ່ທີ່ນັ້ນ ບໍ່ໄດ້ກັບລາວ ຫລັງຈາກຫນີ ຈາກບ້ານ ສາມີຂອງນາງ ເປັນຄົນຍີ່ປຸ່ນ. ເມື່ອນາງກັບມາ ລາວ ນາງໄດ້ຕັ້ງ ໂຄງງການ ສົ່ງເສີມການ ອ່ານຫນັງສື ໃຫ້ແກ່ ເດັກນ້ອຍລາວ ໃນເຂດ ຊົນນະບົດ ດ້ວຍການແຈກ ປື້ມອ່ານ ປະເພດຕ່າງໆ ບາງຄັ້ງ ເອົາໃສ່ແກດ ຫລືເຮັດເປັນ ຫໍ່ຂອງ ໄປແຈກ ຕາມເຂດ ຊົນນະບົດ ພູຸດອຍ ທີ່ທຸກຈົນ ໃນລາວ ແລະສ່ວນຫລາຍ ກໍ່ຈະໃຊ້ມ້າ ຂົນສົ່ງ ເພາະບໍ່ມີ ຖນົນຫົນທາງ.
ນາງເລົ່າເຖີງ ຄວາມຊົງຈຳ ຂອງນາງວ່າ ໃນຊ່ວງທີ່ນາງ ອອກລູກຄົນ ທຳອິດ ທີ່ ຍີ່ປຸ່ນ ນາງໄດ້ຮັບ ປຶ້ມຮູບເດັກນ້ອຍ ເປັນພາສາ ຍີ່ປຸ່ນ ເປັນຂອງຂວັນ ໃນຊ່ວງທີ່ນາງ ເປັນເດັກນອ້ຍ ໃນລາວ ນາງຮຽນຮູ້ ກ່ຽວກັບ ນິຍາຍຕ່າງໆ ຈາກການບອກເລົ່າ ຂອງພໍ່ແມ່ ແລະ ຈາກລາຍການ ວິທຍຸ ກະຈ່າຍສຽງ ຂອງຣັຖບານ.
ແຕ່ນາງພູມໃຈ ທີ່ໄດ້ຊອ່ຍ ເດັກນ້ອຍ ໃນເຂດ ຊົນນະບົດ ທີ່ທຸກຍາກ ໃນລາວ ໃນໂຄງການອ່ານ ປຶ້ມຂອງນາງ ເຖິງແມ່ນວ່າ ປຶ້ມອ່ານສ່ວນໃຫຍ່ ທີ່ນາງເອົາມາແຈກ ຈະເປັນພາສາ ຍີ່ປຸ່ນກໍ່ຕາມ ແຕ່ເດັກນ້ອຍ ກໍ່ມີຄວາມ ກະຕືລື້ລົ້ນ ໃນການຢາກອ່ານ ແລະ ຢາກຮູ້ຢາກເຫັນ.
ໂຄງການ ຂອງນາງເອີ້ນວ່າ ໂຄງການຮັກອ່ານ ທີ່ຮ່ວມງານກັບ ຣັຖບານລາວ ໃນການແຈກຢາຍ ປຶ້ມອ່ານ ໃນເຂດ ຊົນນະບົດ ທີ່ຫ່າງໃກ ສອກຫລີກໃນລາວ ນາງວ່າ ປຶ້ມສ່ວນໃຫຍ່ ທີ່ນາງເອົາ ມາແຈກນັ້ນ ເປັນປຶ້ມນິຍາຍ ຫລາຍກວ່າ ແລະ ຣັຖບານຍີ່ປຸ່ນ ກໍ່ສເນີໃຫ້ ການຊ່ອຍເຫລືອ ດ້ານນີ້ ນາງວ່າ ໃນປັດຈຸບັນ ນາງໄດ້ຕັ້ງ ຫ້ອງສມຸດ ແບບນ້ອຍໆຂື້ນ 11ແຫ່ງ ແລະມີຮ້ານປື້ມ ທີ່ນາງນຳມາ 2-3 ຮ້ານ ນາງມີແຜນການ ຈະຂຍາຍຫ້ອງສມຸດ ຕາມເຂດ ຊົນນະບົດ ໃນລາວ ໃຫ້ຫລາຍກວ່ານີ້ ໃນອານາຄົດ.