ໂຄງການສ້າງເຂື່ອນ ທັງໝົດໃນລາວ

ທາງການລາວ ມີແຜນການ ທີ່ຈະສ້າງ ເຂື່ອນ ໄຟຟ້າ 10 ເຂື່ອນ ພາຍໃນ ຣະຍະ 5 ປີ ຂ້າງຫນ້າ.
ສິດນີ
2011-06-30
Share
F-Lao-dam ແຜນທີ່ເຂື່ອນ ໃນລາວ ທີ່ສ້າງແລ້ວ ກໍາລັງສ້າງ ແລະ ໃນໂຄງການ ຈະສ້າງ
Source: Mekong River Commission 2005

ກົດຟັງສຽງ

ສື່ມວລຊົນ ພາກຣັຖ ຂອງ ສປປລາວ ລາຍງານ ໃນມື້ວັນສຸກ ຜ່ານມາ ວ່າ ຣັຖບານລາວ ມີ ແຜນການ ຈະສ້າງເຂື່ອນ ໄຟຟ້າ ພລັງນ້ຳ 10 ເຂື່ອນ ໃນຣະຍະ 5 ປີ ຂ້າງຫນ້າ ຊື່ງເປັນ ພາກສ່ວນ ຂອງ ແຜນການ ທີ່ຈະເຮັດ ໃຫ້ລາວ ກາຍເປັນ ຫມໍ້ໄຟ ສຳລັບ ເອເຊັຽ ຕາເວັນອອກ ສ່ຽງໃຕ້ ໃນອະນາຄົດ.

ຫນັງສືພີມ ວຽງຈັນທາມສ ລາຍງານວ່າ ແຜນການ ທີ່ ຣັຖບານລາວ ຈະສ້າງ ເຂື່ອນໄຟຟ້າ 10 ແຫ່ງ ໃນລາວນັ້ນ ແມ່ນໄດ້ ຕົກລົງກັນ ໃນກອງປະຊຸມ ສະພາ ຊຸດທີ 7 ໃນແຜນການ ພັທນາ ເສຖກິດ ແລະ ສັງຄົມ ສຳລັບ ສົກປີ 2011- 2015 ແລະ ແຜນການນີ້ ກໍ່ໄດ້ສເນີ ການເຫັນພ້ອມ ຈາກສະພາ ໃນມື້ວັນສຸກ.

ລາຍງານ ແຈ້ງວ່າ ໃນຈຳນວນ 10 ເຂື່ອນ ທີ່ຣັຖບານ ລາວ ຈະສ້າງນັ້ນ 5 ເຂື່ອນແມ່ນ ກຳລັງສ້າງ ຢູ່ໃນ ເວລານີ້ ເຊັ່ນເຂື່ອນ ໄຟຟ້າ ນ້ຳງື່ມ 5 ທີ່ ແຂວງວຽງຈັນ ສ້າງສຳເຣັດ ແລ້ວ 60%, ເຂື່ອນ ເທີນຫີນບູນ ພາກຂຍາຍ ທີ່ ແຂວງ ຄຳມ່ວນ ສ້າງ ສຳເຣັດແລ້ວ 78%, ເຂື່ອນ ນ້ຳຊອງ ທີ່ ແຂວວຽງຈັນ ສ້າງ ສຳເຣັດແລ້ວ 30% ເຂື່ອນ ນ້ຳຮອນ ທີ່ ແຂວງ ຫລວງນ້ຳທາ ສ້າງ ສຳເຣັດແລ້ວ 91% ແລະ ເຂື່ອນເຊຂມານ 3 ທີ່ ແຂວງເຊກອງ ສ້າງ ສຳເຣັດແລ້ວ 90%. ແຕ່ອີກ 5 ເຂື່ອນ ທີ່ຈະສ້າງ ໃຫມ່ນັ້ນ ທາງການ ຍັງບໍ່ໄດ້ ຣະບຸວ່າ ຈະສ້າງຢູ່ໃສ ຍັງລໍຖ້າ ການເຫັນພ້ອມ ຈາກ ສະພາ ແຫ່ງຊາດ ຢູ່.

ໃນປັດຈຸບັນ ຣັຖບານລາວ ມີເຂື່ອນ ທີ່ສ້າງແລ້ວ 16 ເຂື່ອນ ທີ່ກຳລັງ ບໍຣິການ ໄຟຟ້າ ໃນ ປະຣິມານ 2 ພັນເມກາວັດ ທາງການລາວ ໄດ້ອະນຸມັດ ໃຫ້ ບໍຣິສັດ ຕ່າງຊາດ ສຳຣວດ ຄວາມເປັນໄປໄດ້ ໃນການສ້າງ ເຂື່ອນ ໃນລາວ ປະມານ 73 ເຂື່ອນ ເມື່ອສີບປີ ກອ່ນ. ເທົ່າເຖິງ ປັດຈຸບັນ ກໍໄດ້ສ້າງ ຫລາຍເຂື່ອນ ແລ້ວ.

Anonymous says:
Sep 14, 2011 06:34 PM

ມັນມີສ່ວນເສຍ ແຕ່ພັດມີສ່ວນໄດ້ຢ່າງມະຫາສານ ຈະຍອມກອດເຂົ່າ ກື່ນນ້ຳລາຍເບິ່ງຄວາມຮັ່ງມີສີວິໄລຂອງຊາດອື່ນເຂົາບໍ?ແລ້ວປ່ອຍໃຫ້ປະຊາຊົນລາວທຸກ ປະເທດຊາດດ້ອຍພັດທະນາ ແລ້ວໄປເປັນຂ້ອຍມະຫາອຳນາດຊາດໃຫຍ່ຊັ້ນບໍ?ມີເງື່ອນໄຂແລະທ່າແຮງອັນໃດ ກໍເຮັດສີ່ງນັ້ນລະບໍ.

Anonymous says:
Sep 19, 2011 07:19 PM

ໂດຍອີງຕາມການປະກອບຄໍາຄິດູໍາເຫັນຂອງບັນດາທ່ານຕ່າງຄົນຕ່າງມີເຫດຜົນບໍ່ຈອດກັນ.
ໃນນາມທີ່ຂ້າພະເຈົ້າເປັນຄົນລາວ ແລະ ເຊື້ອຊາດລາວ ແມ່ນເຫັນດີເປັນເອກະພາບນໍາການກໍ່ສ້າງເຂື່ອນເພາະວ່າການສ້າງເຂື່ອນນັ້ນມັນບໍ່ແມ່ນຊິມີແຕ່ທາງລົບແຕ່ຢ່າງດຽວຖ້າບັນດາທ່ານໃດທີ່ມີແນວຄວາມຄິດທີ່ຄັດຄ້ານໃນບັນຫາດັ່ງກ່າງລອງເປີດໃຈຮັບ ແລະ ຄິດໃນແງ່ທີ່ສ້າງເຂື່ອນແລ້ວເຮົາໄດ້ປະໂຫຍດຫຍັງແດ່ກັບການສ້າງດັ່ງກ່າວ.
ຂ້າພະເຈົ້າໜັ້ນໃຈວ່າທາງຜູ້ໃຫຍ່ເພີ່ນກໍ່ໄດ້ພິຈາລະນາລະອຽດແລ້ວ ແລະ ຫວັງຢ່າງຍິ່ງວ່າບັນດາທ່ານທີ່ມີແນວຄິດທີ່ກົງກັນຂ້າມຕືຊິເຂົ້າໃຈໃນຈຸດປະສົງຂອງການພັດທະນາປະເທດຊາດ.

Anonymous says:
Jul 07, 2011 03:56 PM

ແມ່ນຢູ່ວ່າເຄື່ອນມີຄວາມຈຳເປັນໃນການສ້າງສາ ແລະ ພັດທະນາເສດຖະກິດຂອງຊາດ ແຕ່ກໍ່ຄວນຄຳນຶງເຖິງຜົນທີ່ຈະຕາມມາເຊັ່ນກັນ ເພາະໃນບາງຄັ້ງການສ້າງສິ່ງໃດໜຶ່ງຂຶ້ນມາແຕ່ມັນອາດສ້າງຄວາມເສຍຫາຍມະຫາສານຖືວ່າເປັນສິ່ງທີ່ຈະທຳລາຍປະເທດຫລາຍກວ່າການພັດທະນາປະເທດ "ລູກແມ່ນ້ຳຂອງ"

Anonymous says:
Jul 27, 2011 04:24 PM

ເຂົາບໍ່ຄິດເຖິງຜົນກະທົບດອກເຂົາຄິດແຕ່ວ່າມີໂຄງການກໍ່ມີເງິນມີລົດມີເຮືອນຣາຊາວັງຫລັງໃຫຍ່ໆໆໆ

Anonymous says:
Sep 29, 2011 07:41 AM

WE UNDERSTANT LAOS POLACY, LAOS IS LANDLOCK,LAOS IS POOR COUNTRY, THEY NEED TO HELP FROM USA ,JAPAN, SOUTH KOREA,EUROPE...MORE AND MORE

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ