ເຂົ້າປາອາຫານແພງຂື້ນ ໃນສປປລາວ

ໃນປັຈຈຸບັນ ເຈົ້າໜ້າທີ່ ກົມກາຣຄ້າ ຂອງລາວ ກຳລັງ ຫາວິທີທາງ ແກ້ໄຂບັນຫາ ສິນຄ້າ ທີ່ອຸປໂພຄ-ບໍຣິໂພຄ ຕ່າງໆ ໂດຽສະເພາະສິນຄ້າ ທີ່ຕ້ອງໄດ້ນໍາເຂົ້າ ຈາກປະເທສເພື່ອນບ້ານ ເຊັ່ນ ໄທຽ ວຽຕນາມ ແລະ ສປຈີນ ທີ່ມີກາຣ ປັບຣາຄາສູງຂຶ້ນ ເລື້ອຽໆນັ້ນ. ດັ່ງເຈົ້າໜ້າທີ່ ກ່ຽວຂ້ອງ ທ່ານນື່ງໄດ້ເວົ້າວ່າ:

“ແຕ່ມັນກໍສຳຄັນ ທີ່ຜູ້ເຮັດກາຣນຳ ເຂົ້າຫັ້ນ ເຂົາຊື້ຈາກ ໂຮງງານບໍ? ຫລືເຂົາຊື້ຈາກບ່ອນ ເຂົາຂາຍຍົກ ຈັ່ງຊີ້ນ໋າ, ມັນກໍຍາກເນາະ ຄັນເຮົາສິເວົ້າເຣື່ອງ ກອງທຶນ ແຕ່ວ່າອັນນີ້ ຍັງບໍ່ທັນໄດ້ ສເນີຣັຖບາລ ເນາະ, ຄວບຄຸມ ແລະ ກໍຕິດຕາມ ຢ່າງໃກ້ຊິດ ຫັ້ນແຫລະ ໃຫ້ຮູ້ເຫຕຜົລ ກ່ອນມັນຄືແນວໃດ, ຈຶ່ງສິຮູ້ແກ້ໄດ້ ບໍ່ແມ່ນເຮົາເບິ່ງ ແຕ່ຜົລ ແລ້ວສິແກ້ແຕ່ຜົລ ມັນບໍ່ໄດ້ເນາະ”.

ພ້ອມດຽວກັນນີ້ ທ່ານກໍວ່າ ສິນຄ້າຫລາຍໆຢ່າງ ທີ່ທາງກາຣລາວ ໄດ້ນຳເຂົ້າມາ ທີ່ມີຣາຄາ ເພີ່ມສູງ ຂຶ້ນເລື້ອຽໆນັ້ນ ກໍຮວມທັງ ນ້ຳມັນເຊື້ອເພີງ ນ້ຳມັນພືຊ ສຳຫລັບຄົວກິນ ແລະນ້ຳຕານ ທີ່ໄດ້ສ້າງຜົລ ກະທົບ ຕໍ່ຊີວີຕກາຣ ເປັນຢູ່ ຂອງປະຊາຊົນ ຢ່າງຫລວງຫລາຍ ຈຶ່ງໄດ້ມີ ກາຣກວດກາ ສຳຣວຈ ແລະສຶກສາ ແລະໃຫ້ຮູ້ຈັກວ່າ ເປັນຫຍັງຈື່ງມີ ຣາຄາເພີ່ມສູງຂຶ້ນ ຢ່າງຕໍ່ເນື່ອງ ເພື່ອຫາວິທີທາງ ແກ້ໄຂ.

ເຈົ້າໜ້າທີ່ລາວ ທ່ານນີ້ ໄດ້ໃຫ້ກາຣ ຊີ້ແຈງເພີ່ມວ່າ ທາງກົມກາຣຄ້າ ພາຍໃນກໍກຳລັງ ພິຈາຣະນາ ດ້ານກາຣຄວບຄຸມ ກາຣນຳສິນຄ້າເຂົ້າ ປະເທສ ແລະ ກາຣຈັດຕັ້ງກອງທຶນ ເພື່ອກາຣນຳເຂົ້າ ນຳດ້ວຍ.