ສູນບຳບັຕລະເມີດສິທ ຄົນເຈັບ

ອົງກາຣ ປົກປ້ອງ ສິທທິ ມະນຸສ ຖແລງວ່າ: ຄົນຕິດຢາ ທີ່ໄປ ຮັບກາຣ ປິ່ນປົວ ຢູ່ ສູນບຳບັຕ ສົມສງ່າ ຖືກ ລະເມີດ ສິທທິ.
ຫວາດ ສີມູນ
2011.10.07
F-Somsanga-drug-treament-center ພວກຜູ້ຍິງ ຕິດຢາບ້າ ທີ່ປິ່ນປົວ ໃນ ສູນບໍາບັດ ສົມສງ່າ ນະຄອນຫຼວງ ວຽງຈັນ (ຮູປຖ່າຍ 29 ກັນຍາ 2010)
Prince Roy


ກົດຟັງສຽງ

ອົງກາຣ ປົກປ້ອງ ສິທທິມະນຸສຍະຊົນ ຫລື Human Rights Watch (HWR) ທີ່ມີ ຫ້ອງກາຣໃຫຍ່ ຢູ່ ນະຄອນ ນີວຢອຣ໌ກ ໄດ້ອອກ ແຖລງກາຣ ວ່າ: ຜູ້ຄົນ ທີ່ຕິດ ຢາເສພຕິດ ແລະ ຖືກສົ່ງໄປ ຮັບກາຣ ປິ່ນປົວ ບຳບັດ ຢູ່ "ສູນສົມສງ່າ" (The Somsanga Cetner)  ນະຄອນຫລວງ ວຽງຈັນ ບໍ່ໄດ້ ຮັບຄວາມ ເບິ່ງແຍງ ເທົ່າທີ່ຄວນ ພ້ອມຍັງຖືກ ປາບປາມ ທຳຮ້າຍ ຮ່າງກາຍ ຈາກ ເຈົ້າໜ້າທີ່ ຢູ່ເປັນ ປະຈຳ, ຈຶ່ງໄດ້ ສເນີໃຫ້ ທາງກາຣ ສປປລາວ ແລະ ອົງກາຣ ນາໆຊາຕ ທີ່ໃຫ້ທຶນ ກາຣຊ່ວຍເຫລືອ ນັ້ນ ໄດ້ປິດສູນ ດັ່ງກ່າວ ແລະ ພິຈາຣະນາ ຫາວິທີ ອື່ນ ມາທົດແທນ ໃນກາຣ ປິ່ນປົວ ຜູ້ຕິດຢາ ໃຫ້ໄດ້ ມາຕຖານ.

ທາງອົງກາຣ ທີ່ຕິດຕາມ ສິ້ງຊອມ ເບີ່ງ ດ້ານ ກາຣລະເມີດ ສິທທິມະນຸສ ໄດ້ແຈ້ງວ່າ ສູນ ສົມສງ່າ ເປັນສູນ ບຳບັດ ທີ່ໃຫ້ ກາຣປິ່ນປົວ ຜູ້ຕິດ ຢາເສພຕິດ ເປັນເວລາ ດົນນານ ມາແລ້ວ ແລະ ກໍເປັນ ສະຖານທີ່ ໃຫຍ່ ທີ່ສຸດ ໃນ ສປປ ລາວ ຊຶ່ງ ທາງກາຣ ລາວ ກໍເຄີຽ ກ່າວອ້າງວ່າ ເປັນບ່ອນ ບຳບັດ ໃຫ້ການ ຊ່ວຍເຫລືອ ຜູ້ຕິດຢາ ໄດ້ ເປັນຢ່າງດີ ແລະ ອົງກາຣ ຈັດຕັ້ງ ສາກົລ ກໍໃຫ້ ທຶນ ກາຣຊ່ວຍເຫລືອ ຕລອດມາ ເຊັ່ນ: ສະຖານທູຕ ສະຫະຣັຖ ປະຈຳ ນະຄອນຫລວງ ວຽງຈັນ ກໍຊ່ວຍ ປຸກສ້າງ ອາຄາຣ ພ້ອມກັບ ກໍ່ຮົ້ວອ້ອມ ແລະ ອົງກາຣ ປາບປາມ ແລະ ກຳຈັດ ຢາເສພຕິດ ຂອງ ອົງກາຣ ສະຫະປະຊາຊາຕ ກໍໃຫ້ທຶນ ສຳລັບ ໂຄງກາຣ ປິ່ນປົວ ແລະ ຝຶກອົບຮົມ ຕ່າງໆ ໃນສູນປິ່ນປົວ ນັ້ນ ນຳອີກ.

ອົງກາຣ ປົກປ້ອງ ສິທທິມະນຸສ ໄດ້ແຈ້ງ ເພີ່ມວ່າ ຜູ້ຖືກ ສົ່ງໄປ ຮັບກາຣ ປິ່ນປົວ ບາງຄົນ ຖືກທຳຮ້າຍ ຮ່າງກາຍ ຍ້ອນຜິດ ຣະບຽບ ວິນັຍ ຫລື ພຍາຍາມ ລັກໜີ ອອກຈາກ ສູນ ເທົ່ານັ້ນ ແລະ ຜູ້ທີ່ຖືກ ສົ່ງເຂົ້າໄປ ຮັບກາຣ ປິ່ນປົວ ນັ້ນ ກໍຮວມ ທັງຄົນ ຂໍທານ ເດັກນ້ອຍ ເກເລ ຕາມ ທ້ອງຖນົນ ຕລອດຮອດ ຄົນຜີບ້າ ເປັນໂຣຄຈິຕ ຫລືຜູ້ທີ່ ຂາດບ່ອນ ເພີ່ງພາອາສັຍ ກໍຖືກ ສົ່ງໄປ ຮັກສາ ຢູ່ບ່ອນ ດຽວກັນ ຈົນເກີດ ບັນຫາ ທີ່ມີ ບາງຄົນ ພຍາຍາມ ຈະຂ້າ ຕົວຕາຍ ກໍມີ ດ້ວຍວິທີ ກາຣຕ່າງໆ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ຄວາມເຫັນ

Anonymous
Oct 07, 2011 08:54 PM

ອົງການHRW ເປັນອົງການທີ່ບໍ່ເຄີຍມີແນວຄິດສ້າງສັນ, ບໍ່ເຄີຍໃຫ້ການ ຊ່ວຍເຫຼືອ ແລະສ້າງຜົນປະໂຫຽດໃຫ້ແກ່ປະເທດໃດ ມີແຕ່ຕຳນິວິຈານ ປະເທດຕ່າງໆທັ້ງທີ່ບາງຄັ້ງກໍ່ບໍ່ແມ່ນຄວາມຈິງຊ້ຳ ຄືກໍລະນີນີ້ຄິດອອກມາໄດ້ແນວໃດວ່າໃຫ້ເຂົາປິດສູນບຳບັດ ແລ້ວຈະໄປເຮັດວິທີໃດແກ້ໄຂຜູ້ຕິດຢາຄັນແນ່ກໍ່ມາສ້າງສູນໃໝ່ ແລະແນະນຳວິທີການບຳບັດແບບໃໝ່ໃຫ້ເປັນຕົວຢ່າງເບິ່ງ ຄັນເຮັດບໍ່ໄດ້ເຊີນປິດອົງການນີ້ສາ