ຄວາມໝາຍຂອງການ ສລອງປີໃໝ່ລາວ

ພຣະສົງເຕືອນ ໃຫ້ປະຊາຊົນ ລະລືກເຖິງ ຄວາມໝາຍ ອັນແທ້ຈິງ ຂອງການ ສລອງປີໃໝ່.
ສົມເນ
2011-04-13
Share
F-pimay ງານຫລີ້ນບຸນປີໃໝ່ລາວທີ່ແຂວງຫລວງພຣະບາງໃນປີທີ່ຜ່ານມາ
RFA

ກົດຟັງສຽງ

ປະຊາຊົນລາວທຸກຖ້ວນໜ້າມີຄວາມຊື່ນຊົມຍິນດີນໍາການສົ່ງທ້າຍປີເກົ່າຕ້ອນຮັບປີ ໃໝ່-ພ.ສ2554ທີ່ຈະເລີ້ມຂື້ນຢ່າງເປັນທາງການຈາກວັນທີ່-14-16-ເມສາ.

ການສເລີມສລອງມ່ວນຊື່ນກັນແລະງານປະກອບກິຈກັມຕາມຮີດຄອງປະເພນີໃນ ຄອບຄົວບາງແຫ່ງໄດ້ເລີ້ມຂື້ນແລ້ວນັບແຕ່ຕົ້ນອາທິດນີ້ໄປ.

ພຣະສົງອົງນື່ງຈາກວັດອົງຕື້ນະຄອນຫລວງວຽງຈັນໃຫ້ຄໍາເທສນາແລະກ່າວຕັກ ເຕືອນວ່າຂໍໃຫ້ທຸກຄົນນຶກເຖິງຄວາມໝາຍອັນແທ້ຈິງຂອງການສລອງປີໃໝ່:

"ປີໃໝ່ໃນທາງພຣະພຸທສາສນາກໍຖືວ່າໃຫ້ເຮົາລະລຶກເຖິງວ່າວັນທີ່ເຮົາຜ່ານມາປີ ເກົ່າຜ່ານໄປແລ້ວເດເພາະສະນັ້ນມີຄໍາສອນຄໍານື່ງບອກວ່າວັນເວລາບໍ່ຢູ່ຖ້າຢ່າປະ ປ່ອຍໃຫ້ເສັຽດາຍໃຫ້ໃຊ້ສົມຣາຄາປະຊາຊົນທັງຫລາຍເພາະສະນັ້ນປີໃໝ່ພວກ ເຮົາຈົ່ງໃຫ້ທ່ານຣະມັດລະວັງມີສະຕິນີ້ກໍເປັນພອນປີໃໝ່ທີ່ຄູບາຢາກຝາກເອົາໄວ້ ວ່າໃຫ້ມີຄວາມປອດໄພໃນຊີວິດຂອງເຮົາເອງ".

ພຣະສົງກ່າວວ່າຄວາມໝາຍຂອງການສລອງບຸນປີໃໝ່ລາວກໍຄືການສົ່ງທ້າຍປີເກົ່າ ຕ້ອນຮັບປີໃໝ່-ປີເກົ່າທີ່ກໍາລັງຜ່ານໄປກໍຂໍໃຫ້ທຸກຄົນລະລືກເຖິງວ່າເຄີຽເຮັດ ຫຍັງແດ່ສິ່ງໃດດີກໍປະຕິບັດຕໍ່ໄປສິ່ງໃດບໍ່ຈົບບໍ່ງາມທີ່ເຄີຽກະທໍາໄປນັ້ນກໍຈົດຈໍາໄວ້ ເປັນບົດຮຽນແລ້ວແກ້ໄຂໃຫ້ດີຂື້ນທໍາບຸນທໍາທານໃຫ້ສາສນາແລະຍາດຕິພີ່ນ້ອງທີ່ ເສັຽຊີວິດໄປແລະທໍາບຸນໃຫ້ຕົນເອງແລະຄອບຄົວເພື່ອນໍາເອົາຣືກງາມຍາມດີມາສູ່ ຊີວິດໃນປີໃໝ່ທີ່ກໍາລັງກ້າວເຂົ້າມາ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ