Xitayning Uyghurlargha qaratqan siyasetliri Uyghur balilirining oqush arzulirini nabut qilmaqta

• Muxbirimiz gülchéhrening bu heqtiki programmisi
• Download story audio

Yéqinda xitay hökümiti Uyghur élining chet yiraq namrat yéziliridiki déhqanlarning mejburi ma'aripta terbiyilinishi heqsiz qilin'ghandin kéyin, nöwette Uyghur qatarliq milletlerning oqush yéshidiki balilirining mektepke kirish nisbitining ٪ 97.5 Ke yetkenlikini élan qilghan idi.

Biz bu heqte Uyghur élining yézilirigha qaratqan téléfon ziyaretlirimizdin, xitay hökümitining balilarning mektepke kirish nisbiti heqqide élan qilghan sanning, az sanliq millet ma'arip süpitining yuqiri kötürülgenlikini körsetmeydighanliqi melum boldi. Yeni Uyghur élide mundaq bir ziddiyetlik mesile bolup, ilgiri namrat Uyghur déhqanlirining baliliri mektep puli tapshuralmighanliqi üchün, oqushsiz qalghan bolsa nöwette, toqquz yilliq mejburi ma'arip heqsiz qilin'ghan teqdirdimu bashlan'ghuch, we ottura mekteplerni toluq püttürmeyla mekteptin yénip chiqidighan ehwallar yenila éghir bolmaqta iken.

Uyghur élining melum yézisidin ziyaritimizni qobul qilghan bir Uyghur oqutquchi buning sewebliri heqqide toxtilip mundaq digen idi :

• U mundaq dégen idi
• Download story audio

Gerche Uyghur élida balilarning sawatsiz qélishigha asasiy jehettin xatime bérilish basquchida bolsimu, emma ularning yuqiri bilim we téxnika igilishige, kelgüsi istiqbaligha téximu mukemmel ul sélishigha, aliy bilim yurtlirida oqush arzulirigha, bu mu'ellim éytqandek Uyghurlarning ishsiz qélishi, namratliqtin qutulalmasliqi, barawer mu'amilige uchrimasliqi, milliy we diniy jehetlerdin kemsitilishi qatarliq mesililer tosalghu bolmaqta iken. (Gülchéhre)