Султан муһәммәтниң "вәтән" намлиқ CD пиластинкиси нәширдин чиқмақчи


2004.11.04
Share on WhatsApp
Share on WhatsApp

Даңлиқ уйғур нахшичи, музикант вә композитор султан мәмәт әпәнди орундиған нахшиларниң "вәтән" намлиқ тунҗи чд пиластинкиси тәйярлинип, пат арида тарқитилмақчи.

Сениң қойнуңда көз ачтим, сениң зиммиңдә илкиңдә, силап башимни чоң қилдиң, анамдин чарә меһриңдә, вәтән сениң ана меһриң һаман зиммимгә йүкләклик, шуңа бизгә шәрәбликтур сениң йолуңда өлмәклик. (" Вәтән " намлиқ нахшидин)

sultan-k.jpg

Худди нахшида тәрипләнгинидәк вәтинидин айрилған, һәр бир уйғурниң ағзидин " вәтән " сөзини даим аңлайсиз, султан мәмәт ака әнә шулардин бири.

Җараңлиқ авази билән " вәтән " намлиқ бу нахшини вайиға йәткүзүп орунлиғанму дәл султан мәмәт акиниң өзи. 1962 -Йили, вәтинидин айрилишқа мәҗбур болған султан мәмәт ака, юрти ғулҗидин айрилип, ташкәнткә җайлишиду вә 1972 - йили өзбекистан радио - телевизийә идарисиниң тармиқидики уйғур ансамбелида йетәкчи сәнәткар болуп хизмәт қилип, уйғур нахшилирини орунлаштики юқири маһарити билән оттура асия хәлқи вә һәр қайси дөләтләрдики уйғур хәлқиниң йүксәк баһасиға еришиду.

Султан мәмәт ака сәнәт һаятида йәнә, уйғур 12 муқаминиң совет иттипақида қайта рәтлинип чиқиши үчүн зор төһпә қошқан болуп, у, 12 муқамниң муқәддимә қисимлирини орундиған. У бу һәқтә тохтилип мундақ дәйду.

(Аваз)

Султан мәмәт ака мәзкур төһпилиридин сирт, муқам консиртлирида рол елип, уйғур тамашибинлири арисидила әмәс чәтәллик тамашшибинлар арисидиму чоң шөһрәт қазиниду.

Бир қанчә йилдин бери америкида яшаватқан султан ака, ню-йорк вә вашингтон шәһәрлиридә хуш - хуй мулайим миҗәз хулқи билән уйғур қериндашлириниң һөрмитигә сазавәр болди, уйғурлар султан ака бар сорунларда вә мәшрәпләрдә худди өзини вәтәндә турғандәк һис қилидиғанлиқини билдүрмәктә, бу һәқтә өз қәлип сөзини ейтқан бир ханим мундақ дәйду.

(Аваз)

Америкида яшаватқан уйғур зиялийлиридин туғлуқ абдиразақ, турди ғоҗа, ғуламидин пахтилар вә америкилиқ террй ериксон қатарлиқларниң уйғур сәнитини намайән қилиш тәшәббуси билән, султан акиниң тунҗи уйғурчә нахша чд пиластинкиси ишләнди. Америкиниң пайтәхти вашингтонда қәд көтүрүп турған, дөләт мәҗлиси бинаси алдида бешиға чирайлиқ доппа кийгән вә уйғурчә ясанған қолида дутар тутқан султан мәмәт акиниң рәсими чүшүрүлгән чд пиластинкиисини көргән һәр қандақ киши сөйүнмәй қалмайду.

Мәзкүр нахишиларниң тәйярлинип чиқиши үчүн көп күч чиқарған туғлуқ абдуризақ әпәнди мундақ диди.

(Аваз)

Һәқиқәтән тиршчанлиқ көрсәткән йәрдә, нәтиҗигә еришкили болиду, султан ака " әгәр аллаһ күч ата қилса буниңдин кейин уйғур сәнитини бейитишқа, чәтәл хәлқигә тонутушқа адаққичә тәйярмән " диди.

(Аваз)

Узақ тарихтин буян уйғур хәлқиниң қәлб төридики муқәддәс сәнәт илаһи сүпитидә кишиләргә мәниви қуввәт вә естетик зоқ бәхш етип кәлгән " 12 муқам", уйғур сәнәт нәмунилиридин " долан сәними " ниң америкида яңриши барлиқ уйғурларни иптихарлиқ туйғусиға чөмдүриду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.