Sultan muhemmetning "weten" namliq CD pilastinkisi neshirdin chiqmaqchi

Dangliq Uyghur naxshichi, muzikant we kompozitor sultan memet ependi orundighan naxshilarning "weten" namliq tunji chd pilastinkisi teyyarlinip, pat arida tarqitilmaqchi.

• Muxbirimiz eqidening bu heqtiki programmisi
• Download story audio

Séning qoynungda köz achtim, séning zimmingde ilkingde, silap bashimni chong qilding, anamdin chare méhringde, weten séning ana méhring haman zimmimge yükleklik, shunga bizge sherebliktur séning yolungda ölmeklik. (" Weten " namliq naxshidin)

Xuddi naxshida teriplen'ginidek wetinidin ayrilghan, her bir Uyghurning aghzidin " weten " sözini da'im anglaysiz, sultan memet aka ene shulardin biri.

Jarangliq awazi bilen " weten " namliq bu naxshini wayigha yetküzüp orunlighanmu del sultan memet akining özi. 1962 -Yili, wetinidin ayrilishqa mejbur bolghan sultan memet aka, yurti ghuljidin ayrilip, tashkentke jaylishidu we 1972 - yili özbékistan radi'o - téléwiziye idarisining tarmiqidiki Uyghur ansambélida yétekchi sen'etkar bolup xizmet qilip, Uyghur naxshilirini orunlashtiki yuqiri mahariti bilen ottura asiya xelqi we her qaysi döletlerdiki Uyghur xelqining yüksek bahasigha érishidu.

Sultan memet aka sen'et hayatida yene, Uyghur 12 muqamining sowét ittipaqida qayta retlinip chiqishi üchün zor töhpe qoshqan bolup, u, 12 muqamning muqeddime qisimlirini orundighan. U bu heqte toxtilip mundaq deydu.

(Awaz)

Sultan memet aka mezkur töhpiliridin sirt, muqam konsirtlirida rol élip, Uyghur tamashibinliri arisidila emes chet'ellik tamashshibinlar arisidimu chong shöhret qazinidu.

Bir qanche yildin béri amérikida yashawatqan sultan aka, nyu-york we washin'gton sheherliride xush - xuy mulayim mijez xulqi bilen Uyghur qérindashlirining hörmitige sazawer boldi, Uyghurlar sultan aka bar sorunlarda we meshreplerde xuddi özini wetende turghandek his qilidighanliqini bildürmekte, bu heqte öz qelip sözini éytqan bir xanim mundaq deydu.

(Awaz)

Amérikida yashawatqan Uyghur ziyaliyliridin tughluq abdirazaq, turdi ghoja, ghulamidin paxtilar we amérikiliq térry érikson qatarliqlarning Uyghur sen'itini namayen qilish teshebbusi bilen, sultan akining tunji Uyghurche naxsha chd pilastinkisi ishlendi. Amérikining paytexti washin'gtonda qed kötürüp turghan, dölet mejlisi binasi aldida béshigha chirayliq doppa kiygen we Uyghurche yasan'ghan qolida dutar tutqan sultan memet akining resimi chüshürülgen chd pilastinki'isini körgen her qandaq kishi söyünmey qalmaydu.

Mezkür naxishilarning teyyarlinip chiqishi üchün köp küch chiqarghan tughluq abdurizaq ependi mundaq didi.

(Awaz)

Heqiqeten tirshchanliq körsetken yerde, netijige érishkili bolidu, sultan aka " eger allah küch ata qilsa buningdin kéyin Uyghur sen'itini béyitishqa, chet'el xelqige tonutushqa adaqqiche teyyarmen " didi.

(Awaz)

Uzaq tarixtin buyan Uyghur xelqining qelb töridiki muqeddes sen'et ilahi süpitide kishilerge meniwi quwwet we éstétik zoq bexsh étip kelgen " 12 muqam", Uyghur senet nemuniliridin " dolan senimi " ning amérikida yangrishi barliq Uyghurlarni iptixarliq tuyghusigha chömdüridu.