Köz yéshida nemlen'gen zémin" namliq eser istanbulda neshir qilindi

• Ixtiyari muxbirimiz erkin tarimning bu heqtiki melumati
• Download story audio

Kitabning téshi

Hemmimizge melum bolghinidek medeniyet inqilabi dep atalghan qara boran nurghun kishilerning jénigha zamin bolup, kürminglighan a'ilining ochiqini öchürgen idi. Köngüllirige uluq arzu - armanlarni pükken bilim ashiqi, wetenperwer yashlarning arzu - armanlirini kökke sorup, ularning yashliq baharini ghazang qilghan idi.

Ene shu yashlarning biri bolghan söyün'gül janishif xanim Uyghur diyarining musteqilliqini könglige pükken bolup, bu yolda küresh qilghan idi. U mana bu seweblik özining yash hayatini türmilerde ötküzüshke mejbur bolghan idi. Kéyin awstraliyige bérip olturaqliship qalghan söyün'gül janishif xanim özining ene shu mudhish yillardiki eslimilirini kitap qilip yézip chiqti.

"Köz yéshida nemlen'gen zemin" namliq bu eser 735 bettin terkip tapqan bolup, kitabta aptorning 1960 - yilidin 1980 - yilighiche bolghan kechürmishliri we xitaylarning Uyghur diyarida élip barghan siyasetliri bayan qilin'ghan. Eserde eyni waqittiki kishilerning isimliri oz péti élin'ghan bolup, Uyghurlarning yéqinqi zaman siyasi tarixini tetqiq qilish üchün zor ehmiyetke ige.

Bu kitab we kitabning aptori heqqide tepsili melumat élish üchün enqerediki ixtiyari muxbirimiz erkin tarim kitabning aptori söyün'gül janishif xanim bilen söhbetleshti.