Көз йешида нәмләнгән земин" намлиқ әсәр истанбулда нәшир қилинди
-
2006-10-20 -
-
-
Your browser doesn’t support HTML5 audio
Һәммимизгә мәлум болғинидәк мәдәнийәт инқилаби дәп аталған қара боран нурғун кишиләрниң җениға замин болуп, күрмиңлиған аилиниң очиқини өчүргән иди. Көңүллиригә улуқ арзу - арманларни пүккән билим ашиқи, вәтәнпәрвәр яшларниң арзу - арманлирини көккә соруп, уларниң яшлиқ баһарини ғазаң қилған иди.
Әнә шу яшларниң бири болған сөйүнгүл җанишиф ханим уйғур дияриниң мустәқиллиқини көңлигә пүккән болуп, бу йолда күрәш қилған иди. У мана бу сәвәблик өзиниң яш һаятини түрмиләрдә өткүзүшкә мәҗбур болған иди. Кейин австралийигә берип олтурақлишип қалған сөйүнгүл җанишиф ханим өзиниң әнә шу мудһиш йиллардики әслимилирини китап қилип йезип чиқти.
"Көз йешида нәмләнгән зәмин" намлиқ бу әсәр 735 бәттин тәркип тапқан болуп, китабта апторниң 1960 - йилидин 1980 - йилиғичә болған кәчүрмишлири вә хитайларниң уйғур диярида елип барған сиясәтлири баян қилинған. Әсәрдә әйни вақиттики кишиләрниң исимлири оз пети елинған болуп, уйғурларниң йеқинқи заман сияси тарихини тәтқиқ қилиш үчүн зор әһмийәткә игә.
Бу китаб вә китабниң аптори һәққидә тәпсили мәлумат елиш үчүн әнқәрәдики ихтияри мухбиримиз әркин тарим китабниң аптори сөйүнгүл җанишиф ханим билән сөһбәтләшти.
Мунасивәтлик мақалилар
- Түркийидә "қараханийлар" намлиқ китабниң нәшр қилинғанлиқи мунасивити билән апторни зиярәт(2)
- Түркийидә "қараханийлар" намлиқ китабниң нәшр қилинғанлиқи мунасивити билән апторни зиярәт(1)
- Түркийидә өсмүрләр үчүн "динимни өгинимән" намлиқ китаб нәшр қилинди
- "Уйғурларниң қисқичә тарихи" вә "хитайдики инсан һәқлири дәпсәндичилики" германийидә
- "Қараҗүлдики җәң" намлиқ әсәр нәширгә берилди (2)
- "Қараҗүлдики җәң" намлиқ әсәр нәширгә берилди (1)