Türkiyide höküm sürgen Uyghur dölitining tarixi yézilghan "eratnaliqlar" din parchilar(3)

• Ixtiyari muxbirimiz erkin tarimning bu heqtiki melumati
• Download story audio

"Eratnaliqlar" namliq kitabning muqawisi.

14 – Esir anatoliyide höküm sürgen Uyghur dölitining tarixi namayan qilin'ghan "eratnaliqlar" namliq kitab türkiye atatürk medeniyet til we tarix tetqiqat idarisi teripidin neshr qilindi.

Bu kitabni isparta sulayman demirel uniwérsitéti tarix oqutquchisi proféssor doktor kamal göde ependi yazghan bolup, uningda 1327- yilidin 1381- yilighiche anatoliyide hüküm sürgen alahidin eratna Uyghur dölitining tarixi bayan qilin'ghan.

"Eratnaliqlar" namliq bu kitab, 4 bölümdin terkip tapqan bolup, kitabning ichide alahidin eratna Uyghur döliti mezgilide sélin'ghan meschit, qewre we shu mezgilde ishlitilgen pullarning resimlirgimu yer bérilgen. Kitab jemi 203 bettin terkip tapqan bolup, kitabning axirida eratna Uyghur dölitining xeritisi bérilgen.

Eratna Uyghur döliti dewridiki Uyghurlarning ewladliri hazir türkiyining amasiye wilayitining uygur nahiyiside yashawatqan bolup, ular yéqindila 8-nöwetlik sen'et bayrimi ötküzgen idi.

Bu programmimizda, muxbirimiz erkin tarim "eratnaliqlar" namliq kitabning "sultan alahidin eratnagha tewe bolghan sheherler" mawzuluq paragrafni nonushturup ötidu.