"Yash türkistan zhornilidin tallan'ghan maqalilar" namliq kitap türkiyide neshirdin chiqti

• Ixti'ayri muxbirimiz erkin tarimning bu heqtiki toluq melumati
• Download story audio

Kitabning téshi

Ayaz tahir türkistan idil- ural wexpi teripidin neshir qilin'ghan yash türkistan zhornilidin tallan'ghan maqaliler namliq kitab istanbulda neshirdin chiqti. Wexp bashliqi tülay duran xanim we sabiq dölet ministiri proféssor, doktor exet endijanning tehrirlishi bilen neshirge teyyarlan'ghan bu kitabqa 1929-yili bérlinda neshir qilinishqa bashlighan yash türkistan zhornilida élan qilin'ghan 119 maqalige yer bérilgen.

Kitabtiki maqaliler, türkistan bilen munasiwetlik siyasi maqaliler, türkistanning iqtisadi weziyiti heqqidiki maqaliler, ma'arip - medeniyet, til- edebiyat we axbarat bilen munasiwetlik maqaliler, xelq'ara siyasetke munasiwetlik maqaliler, sowét ittipaqi bilen munasiwetlik siyasi maqaliler, türkiye bilen munasiwetlik maqaliler, sherqiy türkistan bilen munasiwetlik maqaliler, basmichiliq herikiti we tallan'ghan maqaliler qatarliq mawzulargha toplan'ghan. Kitabqa tengriberdi yazghan sherqiy türkistan témisidiki bash maqale. Mustafa choqay'oghluning sherqiy türkistan mesilisi heqqide, yash türkistan zhornilida élan qilin'ghan sherqiy türkistan jumhuriyiti élan qilindi, hebibul raxman el bagiri yazghan sherqiy türkistan jumhuriyiti qebiniti, sherqiy türkistan jumhuriyiti elchisining xéti qatarliq 10 parche maqale kirgüzülgen.

Biz bu kitab heqqide melumat élish üchün kitabning bash tehriri tülay duran xanim bilen téléfon ziyariti élip barduq. U bu kitabning ehmiyiti üstide toxtilip mundaq dédi:

"Wexpimiz tunji bolup 1997-yilida yash türkistan zhornilining originalini neshir qildi. 2005-Yili yéngi türkistan zhornilidin tallan'ghan maqalilarni neshir qilduq. Yéqinda bolsa yash türkistan zhornilidin tallan'ghan maqalilarni neshir qilduq. Bularni neshir qildurushtiki meqsitimiz idil-ural türkistan heqqidiki tetqiqat pa'aliyetlirige yardem qilish, yéngi nesillerge türkistanni ögitishtin ibaret. 1927-1931 Yilighiche istanbulda osman koja'oghlu we zékiwélidi toghan teripidin chiqirilghan yéngi türkistan zhornili bilen 1929-yili bérlinde mustafa choqay we tahir chaghatay teripidin neshir qilinishqa bashlan'ghan yash türkistan zhorniligha qaraydighan bolsaq, ikkilisining meqsitining büyük, musteqil türkistan qurup chiqishtin ibaret ikenlikini körüwalalaymiz. Bularning bu zhornalni chiqirishtiki meqsiti, ruslar bilen xitaylarning türkistan xelqige élip bériwatqan ruslashturush we xitaylashturush siyasitige qarshi küresh qilish we bu siyasetke qarshi yashlarni yétishtürüsh idi. Bizning bügünki meqsitimiz bolsa tarixta ruslar bilen xitaylarning türkistan xelqige qilghanlirini unutturmasliqtin ibaret".

U bu kitabni sétiwalmaqchi bolghanlarning töwendiki yollar arqiliq özliri bilen alaqilishishi kéreklikini éytti: biz bu kitabni özimizning intérnét adrési arqiliq sétiwatimiz. Intérnét adrésimiz idiltürkistan@yahoo.com Bu yerge xet yézip bizge adrésini bildürüp, banka hésab nomurimizgha 20 yéngi türk lirasi yeni 15 dollar ewetsila bolidu. Biz kitabni adrésige ewetip bérimiz.

Biz yene kitabning terjime ishlirige mes'ul tehriri, koch uniwérsitéti oqutquchisi timur koja'oghlu bilenmu söhbet élip barduq.