Дуняда шекәр кесили барлар 200 милйондин ешип кәтти

Буниңда кесәлликниң яш чәклимисигә учримайдиғанлиқи вә һәддидин зиядә семизлик еғир дәриҗилик шекәр кесилини пәйда қилидиғанлиқи, башқа йәнә ирсийәт түпәйли бу хил кесәлгә гириптар болуш нисбити юқири икәнлики мәлум болмақта.

Дуня сәһийә тәшкилати йәнә, шекәр кесилигә мунасивәтлик өлүмләрниң 2030‏-йилиға қәдәр икки һәссә көпийидиғанлиқини билдүрмәктә.

Америка сәһийә бирләшмисиниң тәтқиқатчиси доктор ира голдфайнниң ейтишичә, шекәр кесили дуняниң һәммә йеригә тарқалған хәтәрлик кесәлләрниң бири һесаблинидикән. У бу һәқтә мундақ дәйду: “бу хил кесәлниң сәвәбини ениқ билишимиз вә бу һәқтики тәтқиқатларни яхши елип беришимиз, шу арқилиқ һәқиқий түрдә давалаш йолини тепип чиқишимиз керәк”.

Еғир типтики шекәр кесәллики, бәдәндики қан шекириниң енергийилик айлинишиға тосқунлуқ көрситип, қанда шекәр пәйда қилип, өлүмгә сәвәб болидикән. Шуңа, шекәр кесилигә гириптар болғучилар, қандики шекәр нисбитини давамлиқ контрол қилип туруши интайин муһим болуп, америка коломбийә университетиниң теббий тәтқиқатчиси дохтур мәмәт имин әпәнди, шекәр кесилигә гириптар болушниң асаслиқ сәвәблири һәмдә бу хил кесәлгә гириптар болушниң алдини елиш үчүн диққәт қилишқа тегишлик муһим нуқтилар һәққидә сөзләп бәрди.

Шекәр кесили уйғурлардиму көп тарқалған кесәллик болуп, дохтур мәмтимин әпәнди йәнә, уйғурларда бу хил кесәлликниң мәйданға келиш сәвәблири вә бу хил кесәлгә гириптар болғанда немиләргә диққәт қилиш тоғрисида тохталди.