Qirghizistanda "général is'haq beg munonop" namliq kitab neshir qilindi


2007-03-04
Share

Ötken esirning 40-yilliridiki sherqiy türkistan milliy azadliq inqilabining rehberliridin biri exmetjan qasimi bilen birlikte sirliq türde ayropilan qazasigha uchrighan, milliy armiye bash qomandani général léyténant is'haq beg munonopning terjimihali we pa'aliyetliri heqqide yéqinda bishkek shehiride mexsus kitab neshir qilindi.

Qirghizistan döletlik "qabar" agéntliqining uchuridin qarighanda, féwralning otturlirida bishkek shehiride mezkur kitab heqqide axbarat élan qilish yighini ötküzülgen bolup, xewerde körsitilishiche, kitabni généralning newrisi abduwaxab moniyéw yézip chiqqan. Axbarat élan qilish yighinida, aptor özining uzun yilliq izdinishliri, tekshürüshliri we köpligen shahidlarni ziyaret qilip, aghzaki we yazma arxip matériyalliri toplishi asasida mezkur kitabni yoruqluqqa chiqarghanliqini bildürgen .

Aptorning qelimi astidiki tarixiy shexs is'haq beg qirghiz xelqining tunji générali dep atalghan bolup, u peqet Uyghur élidiki qirghizlar ichidinla emes, belki barliq qirghizlar ichidin chiqqan tunji général hésablinidiken.

Kitabning aptori mundaq dégen" is'haq beg 1902-yili nur alay rayonida tughulghan. U taki 1949-yilighiche sherqiy türkistan armiyisining bash qomandani , dölet mudapi'e rehbirilik wezipisini aqturghan. Uning töhpisi sherqiy türkistan jumhuriyitining musteqilliqini mustehkemleshtin ibaret" . Aptor, is'haq beg munonopning sirliq halda ölgenlikini tekitleydu.

Buningdin bashqa yene ötken yili dékabirda qirghizistanning osh shehiride is'haq beg munonopning heykilining yopuqi échilip, uning nami menggüleshtürülgen.

Melumatlardin qarighanda, général is'haq beg munonopning dadisi, urugh -tughqanliri we ayali hem baliliri qirghizistanning osh we bishkek shehiride yashighan. Sowét ittipaqi yimirilgendin kéyin qirghizistan hökümiti is'haq begni qirghiz xelqining tarixiy baturliridin biri dep hésablighan.

Elwette, osh shehiride yene ötken esirning 30-40-yilliridiki Uyghur éli weqeliri bilen munasiwetlik sowét k g b ofitsérliridin razaq mawlanop, eli memetop we bashqilarmu yashap ötken. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet