Xitay da'iriliri Uyghurlargha qarita "Beshni étirap qilish" ni dawamliq kücheytishni tekitligen

Muxbirimiz erkin
2021-07-26
Share

Xitayning Uyghur aptonom rayonluq partkomi 25-iyul yighin chaqirip, "Irqiy qirghinchiliq" bilen eyiblinip kéliwatqan xitayning "Shinjang siyasiti" de özgirish bolmaydighanliqidin bésharet bérip, Uyghurlargha qarita "Beshni étirap qilish" ning dawamliq kücheytilishini telep qilghan.

"Shinjang géziti" ning xewer qilishiche, yighinda yene milletler ittipaqliqini mustehkemleshni "Bölgünchilikke qarshi turush terbiyesi" bilen birleshtürüp, xitay kompartiyesining "Yéngi dewrdiki shinjangni bashqurush pilani" ni omumyüzlük ‍ijra qilish, ‍ijtima'iy muqimliq we uzun muddetlik eminlik nishanida qet'iy ching turush" tekitlen'gen.

Mezkur yighin xitay rehbiri shi jinping ötken hepte tuyuqsiz tibetni ziyaret qilip arqidinla chaqirilghan. Shi jinping tibet ziyaritide tibetliklerni kompartiyege egishishke chaqirghanidi. "Shinjang géziti" ning éytishiche, yuqiriqi telepler Uyghur aptonom rayonluq partkomning shi jinpingning tibette qilghan sözi, kelkündin mudapi'e körüsh we yézilarda "Oburni inqilabi" élip bérish toghrisidiki sözlirini öginish yighinida otturigha qoyulghan.

Shi jinping tibetni ziyaret qilishning ‍aldida xitay kompartiyesi siyasiy byurosining da'imiy ezasi, "Shinjang xizmiti rehberlik guruppisi" ning bashliqi wang yang aqsuda 7-nöwetlik "Shinjanggha nishanliq yardem bérish xizmet yighini" chaqirghan. U yighinda "Shinjang" gha sélinmini köpeytidighanliqi toghrisida signal bergen idi.

"Shinjang géziti" ning éytishiche, yighinda shinjangdiki milletler mesilisini "Milletler ittipaqliqi tereqqiyat teshwiqati, sotsiyalistik yadroluq qimmet qarishi terbiyesi, wetenperwerlik terbiyesi, bölgünchilikke qarshi turush terbiyesi, marksizmliq dölet qarishi, tarix qarishi, millet qarishi, medeniyet we din qarishi bilen birleshtürüsh", "Beshni étirap qilishni dawamliq kücheytish" tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet