7 Dölet guruhi xitayning “Shinjangdiki heriketliri” din endishe qiliwatqanliqini bildürgen

Muxbirimiz erkin
2021-12-13
Share

11 We 12-dékabir künliri en'gliyening léwirpol shehiride ‍ötküzülgen G-7, yeni sana'etleshken 7 dölet tashqi ishlar ministirlirining yighini xitayni agahlandurup, uning “Zorlash xaraktérlik iqtisadi siyasiti”, Uyghur éli we xongkongdiki heriketliridin endishe qiliwatqanliqini bildürgen. En'gliye tashqi ishlar ministiri liz trusning bildürüshiche, ikki künlük yighinda xongkong we Uyghurlar mesilisini öz ichige alghan “Bir qatar mesililer we xirislar” muzakire qilin'ghan.

Liz trus, ministirlarning yene béyjingning sherqiy we jenubiy déngizdiki heriketlirini muzakire qilghanliqi, “Teywen boghuzida tinchliq we muqimliqni qoghdashning muhimliqi” ni tekitligenlikini éytqan. “Muhapizetchi” gézitining xewer qilishiche, liz trus yighinning aldida muxbirlargha Uyghurlar toghriliq söz qilip, “Irqiy qirghinchiliq mesilisi sotning ishi bolsimu, biraq men Uyghurlargha qaritilghan qorqunchluq kishilik hoquq depsendichilikidin intayin endishe qilimen. Men buni xitay bash elchisige éyttim” dégen.

Yighinda terepler yene téxnologiyeni toghra ishlargha ishlitish, xitayning saxta uchurigha qarshi birliship heriket qilish, uning qerz qiltiqigha chüshüp qalghan döletlerge yardem qilish mesililirinimu muzakire qilghan. Shundaqla yene yighin rusiyeni ukra'ina mesiliside agahlandurghan. Yighinning bayanatida, rusiyening ukra'inagha hujum qilsa “Éghir aqiwetke” qalidighanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet