Sabiq gomindang parlamént ezasi abdulla timen wapat bolghan

Muxbirimiz jewlan
2022.08.15
Share on WhatsApp
Share on WhatsApp

Uzun yildin béri teywende yashawatqan sabiq gomindang parlamént ezasi abdulla timen bu yil 8-ayning 14-küni teywende 102 yéshida wapat bolghan.

Melumatlargha qarighanda, abdulla timen 1919-yil 4-ayda ghuljida tughulghan. Sabiq shinjang institutining ma'arip fakultétini püttürüp, shinjang qizlar institutida oqutquchiliq qilghan؛ “Shinjang géziti” de tehrir, “Tyanshan neshriyati” da bash tehrir, “Shinjang altay neshriyati” da mu'awin neshriyat bashliqi bolghan؛  1948-yil jungxu'a min'go qanun tüzüsh komitéti (bu komitét kéyin teywen parlaménti bolup shekillen'gen) ning ezasi bolghan.

Abdulla timen xitaydiki ichki urush ayaghlashqandin kéyin teywen'ge köchüp bérip, teywen siyaset uniwérsitéti chégra siyasiti fakultétida proféssor bolghan؛  1957-yil gomindang merkiziy komitétining kandidat ezasi, 1969-yil gomindang merkiziy komitét ezasi bolup saylan'ghan. 1992-Yil u xitay memliketlik siyasiy kéngeshning teklipi bilen ayali we qizini élip, Uyghur rayonigha kélip kuytunni ziyaret qilghan.

Abdulla timen teywende siyaset bilen shughulliniwatqan mezgilde yene “Döletni birlikke keltürüshni ilgiri sürüsh jem'iyiti” ning kéngesh bashliqi, xitay-türkiye medeniyet jem'iyitining mudiriyet bashliqi, xitay-ereb medeniyet jem'iyitining da'imiy kéngesh ezasi, teywen islam jem'iyitining da'imiy hey'et ezasi qatarliq wezipilerni ötigen.

Abdulla timen hayatida siyaset bilenla emes, shé'ir yézish bilenmu shughullan'ghan bolup, “Aq-qara”, “Serxushluq”, “Méni yalghuz démeng hergiz” qatarliq nurghun shé'irlarni yazghan. Uning qizi yultuz abdulla edebiyat we filologiye penliri doktori bolup, malayshiyada xitayche eser yézip tonulghan dangliq yazghuchi we natiq iken.     

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.