Amérika yéngidin yasap chiqmaqchi bolghan bombardimanchi ayropilan heqqidiki uchurlar intayin mexpiy tutulmaqta

Amérika yéngidin yasap chiqmaqchi bolghan bombardimanchi ayropilan heqqidiki barliq uchurlar intayin mexpiy tutulmaqta. Shundaqtimu yéngi tiptiki mezkur bombardimanchi ayropilan heqqidiki bezi uchurlar mu'eyyen derijide otturigha chiqmaqta.

Firansiye agéntliqi mutexessislerning éytqanliridin neqil élip xewer qilishiche, bu ayropilan radarda körünmes iqtidarigha ige bolupla qalmay, herxil ilghar apparatlar bilen qorallan'ghan bolup, yadro bombilarni dunyaning herqandaq yérige tashlash iqtidarigha ige iken.

Amérika dölet mudapi'e ministirliki mezkur ayropilani yasash hoquqning nortrop grumman shirkitige bérilgenlikini bu hepte élan qildi.

Bu nöwet yasilidighan bombardimanchi ayropilan uzaq musapilik bombardimanchi ayropilan bolup, amérika bu larni yashashqa jem'iy 100 milyard dollar serp qilidiken.

Melum bolushiche, amérika armiyesi bu bombardimanchi ayropilandin jem'iy 100 ni alidiken.

Melum bolushiche, amérika nöwette qolliniwatqan B 2 tipliq 11 dane radarda körünmes bombardimanchi ayropilandin bashqilarning hemmisi 1950 - we 1980 - layihilen'gen bolup, amérika öz armiyesidiki bombardimanchi ayropilanlarni jiddiy yéngilashqa éhtiyajliq iken.

28 - Öktebir amérika dölet mudapi'e ministiri ashton katér: bu uzaq musapilik bombardimanchi ayropilanlar hawa armiyemizning kelgüsi hujumliri we tosush iqtidarining omurtqisi bolush arqiliq amérikining mudapi'e istratégiyesini quwwetleydu, dégen.

U yene mezkur bombardimanchi ayropilanlarning amérikining kelgüsi 50 yilliq éhtiyajini qamdaydighanliqini éytqan idi.