Хитайниң илғар микро өзәк машиниси сетивелиш пилани американиң тосқунлуқиға учриған

Мухбиримиз җүмә
2021-07-18
Share
Хитайниң илғар микро өзәк машиниси сетивелиш пилани американиң тосқунлуқиға учриған Голландийәниң "асмл" намлиқ юқири пән-техника ширкитиниң баш штабиниң алдиға есилған мәзкур ширкәтниң логоси. 2019-Йили 23-январ.
REUTERS

Америка һөкүмити голландийәниң илғар микро йерим өткүзгүч ясаш машинисиниң хитайниң қолиға чүшүп кәтмәсликини капаләткә игә қилған.

Мәлум болушичә, голландийәниң "ASML" намлиқ юқири пән-техника ширкити дуня йерим өткүзгүч сана‍итидики илғар микро бир тәрәп қилғуч ясашта кәм болса болмайдиған "дәриҗидин ташқири ултра бинәпшә таш мәтбәә системиси" дәп атилидиған машинини ишләпчиқиридиған бирдинбир ширкәт икән.

180 Тоннилиқ бу машина дуняға даңлиқ "интел" ширкити корийәниң "самсуң" електрон ширкити вә "алма" ширкитиниң мал тәминлигүчиси "тәйвән йерим өткүзгүч ишләпчиқириш чәклик ширкити" қатарлиқ ширкәтләр тәрипидин ишлитилидикән.

"вал стрет журнили" ниң хәвәр қилишичә, хитай һөкүмити голландийә даирилиригә бесим ишлитип, мәзкур үскүнини хитайға сетип беришкә қистиған.

Хәвәргә қариғанда, хитай һөкүмити "хуавей" қатарлиқ хитай ичидики өзәк ишләпчиқарғучиларниң бу җәһәттә чәтәл ширкәтлиригә тайинип қелиш тарихиға хатимә бериш үчүн бу үскүнигә еришини бәкму халайдикән.

Әмма, голландийә американиң бесими билән хитайға микро йерим өткүзгүч ясаш машинисидин бирниму әвәтмигән.

Хәвәрдә көрситишичә, бу иштин хәвәрдар бир америка әмәлдарлири байден һөкүмити дөләт бихәтәрлики әндишиси сәвәблик голландийә һөкүмитидин хитайға бу үскүнини сетишни чәкләшни тәләп қилған.

Бу үскүниниң истратегийилик қиммитини әң дәсләп трамп һөкүмити ениқлиған вә голландийә әмәлдарлири билән алақиләшкән икән.

Трамп вә байден һөкүмәтлири хитайниң "хуавей" ширкити қатарлиқ бир қисим юқири техника ширкәтлирини уйғурларға қаритилған зулум характерлик тәқибләш һәрикитидики роли сәвәблик қара тизимликкә алған вә америка ширкәтлириниң мәзкур ширкәтләргә илғар үскүниләрни сетип бериши чәклигән.

Вашингтон даирилири йәнә "хуавейға" охшаш хитай ширкәтлириниң җасуслуқ әндишиси сәвәбидин, башқа иттипақдашлирини "хуавей" үскүнилирини ишлитишни чәкләшкә қайил қилишқа тиришип келиватқан иди.

Әһвалдин хәвәрдар кишиләрниң "вал стрет журнили" ға ейтишичә, америка һазир ғәрб дөләтлиридики иттипақдашлирини бир йәргә топлап, хитайға қаритилған експортни контрол қилиш үчүн ортақ тиришчанлиқ көрсәтмәктә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт