Amérikining ikki awi'amatka hujum guruppisi jenubiy déngizda manéwir ötküzgen

Muxbirimiz jüme
2020-07-19
Élxet
Pikir
Share
Print

"Soda ichki xewerliri tori" ning körsitishiche, amérikining ikki awi'amatka hujum guruppisi jenubiy déngizdiki amérika-xitay arisidiki ixtilaplargha seweb boluwatqan su yolida ikki hepte ichide ikki qétim hemkarliship manéwir ötküzgen.

Manéwir amérikining 4-iyul musteqilliq küni hepte axirigha toghra kelgen bolup, manéwirgha amérikining USS Nimitz we USS Ronald Reagan hujum guruppiliri qatnashqan. Bu ötken 6 yildin buyan amérika awi'amatka hujum guruppilirining jenubiy déngizda tunji qétim hemkarliship manéwir élip bérishi hésablinidiken. 

Xewerde neqil qilishiche, amérika déngiz armiyesi bu heqte bergen bayanatida bu ikki hujum guruppisining jenubiy déngizda heriket qiliwatqanliqini delilligen. 

Nimitz hujum guruppisining qomandani adméral jim kirk mundaq dégen: "Xelq'ara qanun asasida hindi-tich okyanning ochuq we erkinliki, mizanlargha tayan'ghan xelq'ara tertip, mezkur rayondiki ittipaqdash we shériklirimizge bolghan eqidimizni qayta kücheytish üchün nimitz we régan awi'amatka hujum guruppimiz jenubiy xitay déngizda heriket élip bériwatidu."

Xewerde körsitishiche, mezkur manéwir nöwettiki éqim mesililiri bilen héch munasiwiti yoqluqini bildürgen bolsimu, emma bu manéwir amérika bilen xitay arisidiki jiddiychilik yuqiri pellige chiqqan mezgilge toghra kelgen'ge. 

Xewerge qarighanda, xitayning tashiqi ishlar ministirliqi bu ayning béshida amérikining jenubiy déngizda "Küch körsitip bu rayonning tinchliqi we muqimliqini nezerdin saqit qilghanliqi" ni bildürgen. 

Emma shundaqtimu, amérikaning mezkur hujum guruppisigha tewe uss ralf jonson namliq urush paraxoti xitayning cheklimilirige riqabet élan qilip spratél taqim aralliri tewesidin ötken. 

Düshenbe küni amérika tashqi ishlar ministiri mayk pompéyo xitayning jenubiy déngizdiki yer igilesh herikitini resmiy yosunda ret qilghan. U mundaq dégen: "Béyjingning jenubiy déngiz miqyasidiki bayliq menbelirini özining dep élan qilishi we ularni zorluq-zombuluq bilen kontrol qilish heriketlirining hemmisi pütünley qanunsiz. 21-Esirde xitay kompartiyesining küshendesiman dunya qarishigha orun yoq." 

Xitay hökümiti pompéyoning bayanatini "Mes'uliyetsizlik" dep atighan idi. 

Xitay ötken bir nechche yildin buyan jenubiy déngizda az dégende 7 sün'iy aral yasighan we bu arallarning bir qisimlirini amérika we xelq'ara jem'iyetke bergen wedisige xilap halda herbiyleshtürgen idi.

Toluq bet