Мутәхәссисләр: «а қ ш һөкүмити хитай сәвәбидин дуня сода тәшкилатини бикар қиливетиши мумкин!»

Мухбиримиз әзиз
2018-06-28
Share

Америка билән хитай оттурисидики сода сөһбитидә қатмаллиқ давам қиливатқанда сабиқ америка дипломатлири «хитай һөкүмити пәйда қилған нәччә тирилйон долларлиқ мәсилә сәвәбидин америка һөкүмити дуня сода тәшкилатини бикар қиливетиши мумкин,» деди.

Америкидики әң чоң гезитләрдин болған «сода чәмбирики» ниң 28-июндики баш мақалисидә ейтилишичә, ақ сарай өткәнки һуҗум басқучида хитайни сода қаидилиригә риайә қилған асаста сода қилишқа үндигән болса, әмди дуня сода тәшкилатини бикар қилиш арқилиқ «сода уруши» дин бирақла халий болушқа майил болмақта икән.

Мәлум болушичә, ақ сарай иҗра қилидиғанлиқини тәкитләватқан 200 милярд америка доллирилиқ таможна беҗи хитайниң америкиға експорт қилидиған товарлириниң йеримиға тоғра келидикән.

Әгәр хитай буниңдин «қисас» алмақчи болса, у чағда улар америкиниң хитайға експорт қилған барлиқ маллириға шундақ қилиши зөрүр болидикән. Дуня сода тәшкилатиниң мутәхәссиси хосук ле бу һәқтә тохтилип, «әгәр иш у дәриҗигә барса у һалда америка хитайни дуня сода тәшкилатидин қоғлап чиқирипту, десәк болиду. Әмма бундақ қилиш америка үчүн һечқанчә иш әмәс,» дегән.

Мақалида көрситилишичә, нөвәттә явропа вә японийә улар ортақ дуч келиватқан «хитай мәсилиси» ни һәл қилиш үчүн бирликтә баш қатурмақта икән. Мутәхәссисләрниң көрситишичә, доналд трамп 200 милярд долларлиқ таможна беҗи мәсилисини оттура басқучлуқ сайлам мәзгилидә елан қилиши мумкин икән. Бу толиму әқилгә уйғун болуп, америка, японийә вә явропа иттипақи хитайниң 11 тирилйон америка доллирилиқ ички ишләпчиқириш омуми қиммити вә дөләтниң биваситә қоллишида болуватқан иқтисадий қуввитиниң аяғлишишини истәйдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.