Кишилик һоқуқни көзитиш тәшкилати дуня рәһбәрлирини б д т ниң уйғур елида тәкшүрүш елип беришини тәләп қилишқа чақирди

Мухбиримиз әркин
2021-09-17
Share

Кишилик һоқуқни көзитиш тәшкилати 17-сентәбир баянат елан қилип, дуня рәһбәрлирини б д т ниң уйғурлар учраватқан кишилик һоқуқ дәпсәндичилики үстидин тәкшүрүш елип беришини тәләп қилишқа чақирған. Мәзкур баянат б д т ға әза дөләтләр башлиқлириниң йиллиқ йиғини ню-йорк шәһиридә башлинишниң һарписида елан қилинған.

Кишилик һоқуқни көзитиш тәшкилатиниң ейтишичә, "дуня рәһбәрлири кишилик һоқуқ кризислирини һәл қилиши, кишилик һоқуқни дәпсәндә қилғучиларниң җавабкарлиққа тартилидиғанлиқи тоғрисида агаһландурушии керәк," икән.

Баянатта мундақ дейилгән: "рәһбәрләр шинҗаңдики уйғурларға вә башқа түркий мусулманларға қарита йүз бериватқан вә кишилик һоқуқни көзитиш тәшкилати тәрипидин инсанийәткә қарши җинайәт, дәп бекитилгән еғир кишилик һоқуқ дәпсәндичиликигә даир баянларни тәкшүрүшкә чақириши керәк."

Буниң алдида, йәни 13-сентәбир күни б д т кишилик һоқуқ алий комиссари мишел бачилет, б д т кишилик һоқуқ кеңишиниң 48-нөвәтлик йиғининиң еғилиш мурасимида сөз қилип, хитай һөкүмити билән болған шинҗаңни тәкшүрүш сөһбитиниң мәғлуп болғанлиқи, лекин ‍өзлириниң топлиған уйғур ели вәзийитигә аит доклатиниң пүтүп қалғанлиқини елан қилған.

Кишилик һоқуқни көзитиш тәшкилатиниң хитай ишлири дериктори софий ричардсонниң ейтишичә, мишел бачилетниң сөзи хитайниң хәлқара тәкшүрүштин қечиш урунушиниң вақти тошқанлиқи, һечқандақ бир дөләтниң хәлқара қанундин үстүн әмәслики һәққидә күчлүк сигнал бәргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт