Американиң икки палата әзаси NBC қанилидин бейҗиң қишлиқ олимпикида уйғурлар тоғрилиқму хәвәр беришни тәләп қилған

Мухбиримиз әркин
2021.12.17

Америка дөләт мәҗлисиниң нопузлуқ икки нәпәр палата әзаси америка NBC универсал қанилиниң ‍иҗраийә директори җәф шелға хәт йезип, бейҗиң қишлиқ олимпикини нәқ мәйдандин тарқитидиған бу қаналниң программилирида уйғур кишилик һоқуқ дәпсәндичиликигиму орун беришни тәләп қилған. Мәлум болушичә, бу хәтни дөләт мәҗлиси хитай ишлири комитетиниң қош рәислиридин кеңәш палата әзаси җеф мерклей билән авам палата әзаси мекговерн 16-декабир күни язған.

Хәттә, “хитай һөкүмитиниң шинҗаң уйғур аптоном районидики кишилик һоқуқ дәпсәндичилики, хоңкоңдики демократийәни бастурушиға аит арқа көрүнүшләрни тарқитишқа риайә қилиш” тәләп қилинған. Бу хәттә йәнә NBC ниң “мусабиқә җәрянида хитай дарилирини ахбарат вә диний әркинликни ашкара етирап қилишқа қистиши, шундақла уйғур яки башқа мусулман аз санлиқ хәлқләрниң хитайниң җинайәтни йошурун мәқситидики ‛хушал аз санлиқ милләтләр‚ тәшвиқатиға аит көрүнүшләрни тарқиштин йирақ туруши” чақирилған.

Җеф мерклей билән җеймис мекговернниң хети америка кеңәш палатаси “уйғур мәҗбурий әмгикиниң алдини елиш қанун лайиһәси” ни бирдәк аваз билән мақуллиған күни йезилған. Хәттә “тәнһәрикәтчиләр, таянч хадимлар вә ахбарат хадимлириниң актип ирқий қирғинчилиқ йүз бериватқан бир дөләттә болидиғанлиқи”, NBC универсал қанилиниң “олимпик низамиға әмәл қилип, универсал вә түп әхлақий принсипларни алға сүрүши” тәләп қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.