Xitay hökümiti Uyghur rayonining “Bir belwagh bir yol” diki ornini kücheytmekchi bolghan

Muxbirimiz jewlan
2022.05.25
Share on WhatsApp
Share on WhatsApp

Xitayche “Tengritagh tori” ning xewirige qarighanda, Uyghur aptonom rayonluq partkom sékrétari ma shingrüy 24-may küni ürümchide échilghan “Yipek yoli iqtisad belwéghi merkiziy rayonlirining yuqiri süpetlik tereqqiyatini ilgiri sürüsh xizmet yighini” da söz qilip, shi jinpingning “Bir belwagh bir yol” qurulushi rohini izchillashturup, “Shinjangning gholluq iqtisadiy qurulushini tereqqiy qildurup, ichkiri xitayghimu, xelq'araghimu échiwétilgen iqtisadiy tereqqiyat rayoni” qurushni tekitligen.

Ma shingrüy bu yighinda ürümchini merkez qilghan, qeshqer bilen qorghasni tayanch bazisi qilghan, ichkiri we tashqiri qatnash yolliri, soda yolliri rawan bolghan, jenubiy asiya, ottura asiya we yawropagha tutishidighan “Iqtisadiy tereqqiyat rayoni” qurush heqqide yolyoruq bergen. U yene Uyghur rayonidiki ishlepchiqirish we mal teminlesh liniyesini kéngeytish, ottura asiya döletlirige bolghan tesiri we bashlamchiliq rolini kücheytish qatarliqlarni otturigha qoyghan.

Közetküchilerning bildürüshiche, xitay hökümiti dunyagha kéngeymichilik qilish, jümlidin ottura asiyani öz tesir da'irisige élish üchün “Bir belwagh bir yol” istratégiyesini yolgha qoyghan bolup, Uyghur rayoni hazir bu qurulushning nuqtiliq bazisi we muhim tügünige aylan'ghan. Merkiziy asiya boyiche mutexessis érkin baydarofning radiyomizgha bildürginidek, xitayning merkiziy asiya istratégiyesi bu rayonni iqtisadiy jehettin igilesh. Xitayning nepsi üchün Uyghur rayonining tebi'iy bayliqlirimu yetmeydu, ular qazaqistan, özbékistan we türkmenistanning néfit, tebi'iy gazlirigha alliburun köz tikken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet