Birmada xususi axbarat organlirining qurulushigha yol qoyuldi

Birmada démokrat islahat bashlan'ghandin buyan, ötken yili 8-ayda axbarat cheklimisining bikar qilin'ghanliqi élan qilin'ghan.

Buning tunji qedimi süpitide xewer-maqalilerge qarita, élan qilinishtin ilgiriki dölet organlirining tekshürüshini emeldin qaldurghan idi. Birma bultur 12-ayda élan qilghan yene bir belgilimisige asasen, bu yil 4-ayning 1-küni yeni bügündin bashlap, xususi axbarat organlirining qurulushi we pa'aliyet élip bérishighimu yol qoydi. Buning netijiside hazirgha qeder 16 axbarat orgini yéngidin tesis qilinip, bulardin 4 i bügün resmiy ish bashlidi.

Xitayche b b s ning bügünki bu heqtiki xewiride bayan qilinishiche, birma en'gliye mustemlikisi mezgilide axbarat erkinliki yolgha qoyulghan bolup, shu chaghda birmache, xitayche, in'glizche we bashqa tillarda axbaratchiliq yolgha qoyulghan. 1964-Yili birmada birma herbiy hakimiyiti textke chiqqandin buyan axbarat cheklimisi ijra qilin'ghan. Bu qétimqisi erkin axbaratning birmada 50 yildin kéyin qayta bash kötürüshi hésablinidu.