Chén chüen'go qatarliqlar atalmish “Üch xil küch‏” ke téximu qattiq zerbe bérishni telep qildi

Muxbirimiz ümidwar
2018-02-11
Share

Uyghur aptonom rayoni kommunistik partiye sékrétari chén chüen'go bashchiliqidiki xitay kompartiye komitéti da'irilirining Uyghur diyarida “Muqimliq hemmini bésip chüshidu‏”, “Üch xil küch‏” we “Ikki yüzlimichi‏” lerge “Qattiq zerbe bérish‏” dégendek siyasiy lozunkiliri astidiki omumyüzlük teqiblesh siyasitining Uyghur aptonom rayonini üsti ochuq türmige aylanduruwetkenliki xelq'ara metbu'atlardin keng orun éliwatqan hem xelq'araliq hoquq teshkilatlirining tenqidige uchrawatqanda, 9-féwral küni Uyghur aptonom rayonluq partkom siyasiy qanun xizmet yighini achqan. Partkom sékrétari chén chüen'go testiq we körsetme bergen, Uyghur diyarining siyasiy muqimliqigha biwasite mes'ul siyasiy qanun komitét sékrétari ju xeylun, qazaq millitidin bolghan mu'awin sékrétar qatarliqlar söz qilghan mezkur yighinda ötken bir yilliq zerbe bérish ishliri xulasilinip, bu yil “Üch xil küchler‏” ge qattiq zerbe bérishni téximu kücheytish telep qilin'ghan.

“Shinjang géziti‏” ning xewiridin ashkarilinishiche, yighin xulasisi süpitide bu yil “Yuqiri bésim körsitish‏”, “Éghir zerbe bérish‏”, “Tarmar qilish xaraktérlik zerbe bérish‏”, “Yoqitish xaraktérlik zerbe bérish‏”, “Üch xil küchlerge hergizmu dem éliwélish pursiti bermeslik‏”, “Bash kötürgen haman zerbe bérish‏” dégendek bir yürüsh zerbe bérish sho'arliri tekitlen'gen. 

Téxi yéqindila xitay kompartiyisi teripidin Uyghur aptonom rayonigha qayta re'islikke teyinlen'gen shöhret zakirmu özining hökümet xizmet nutqida kelgüsi besh yilda “Üch xil küchler‏” ge qarshi téximu qattiq küresh qilidighanliqini jakarlighan idi.

Uyghur közetküchiliri xitay siyasiy qanun da'irilirining yighini atalmish “Yépiq terbiyilesh merkezliri‏” we bashqa teqibleshlirining buningdin kéyin téximu küchiyishidin dérek béridighanliqini perez qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet