Chén minggoning "Qosh mensep" ke teyinlinishi diqqet qozghidi

Muxbirimiz eziz
2021-01-20
Share

Uyghur diyaridiki siyasiy basturushni amérika hökümiti "Irqiy qirghinchiliq" dep élan qilghan waqitta Uyghur diyaridiki yéngidin emeldar almashturush hadisisi zor diqqet qozghidi.

Xitay hökümiti bashqurushidiki shinxu'a agéntliqining 20-yanwardiki xewiride éytilishiche, chingxey ölkilik yuqiri sot mehkimisining bashliqi chin minggo Uyghur aptonom rayonluq jama'et xewpsizliki (j x) nazaritining naziri hemde Uyghur aptonom rayonining mu'awin re'isi bolup teyinlen'gen. Xewerde éytilishiche, buningdin ilgiri Uyghur aptonom rayonluq siyasiy-qanun komitétining sékrétari, Uyghur aptonom rayonluq hökümetning mu'awin re'isi, Uyghur aptonom rayonluq j x nazaritining partkom sékrétari we naziri qatarliq hoquqlarni tengla tutup kelgen wang mingshenning "Uyghur aptonom rayonining mu'awin re'islikidin istépa bérish" heqqidiki iltimasi "Testiqlan'ghan". Buning bilen chén minggo hem mu'awin re'is hem j x naziri bolup teyinlen'gen.

Analizchilarning körsitishiche, hazirgha qeder Uyghur aptonom rayonining mu'awin re'isi bolup teyinlen'gen héchqandaq Uyghur j x nazaritining nazirliqini qoshumche üstige élip baqmighaniken. Ular mushu ehwalgha asasen "Bu wang mingshenning qoligha merkezliship qalghan chong hoquqlarni parchilash, shu arqiliq chén chu'en'goning téximu zor ishench bilen hazirqi siyasiy basturushni dawam qilishini kapaletke ige qilish urunushi bolushi mumkin" dep körsetti.

Melum bolushiche, 1966-yili tughulghan chén minggo izchil sichüen ölkisining sot sistémisida ishligen bolup, uning nöwettiki siyasiy basturushni téximu yuqiri pellige chiqirishqa küch chiqirishi texmin qilinmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet