Chira nahiyilik hökümet murasim ötküzüp xitay ölkiliridin qobul qilghan 1100 oqutquchini kütüwalghan

Muxbirimiz qutlan
2017-09-10
Share

Uyghur élining jenubidiki wilayet we nahiyiler yéqindin buyan yuqiri ma'ash we alahide teminat bilen xitay ölkiliridin türkümlep oqutquchi we saqchi qobul qiliwatqanliqi melum bolmaqta.

Chira nahiyilik hökümet torining xewirige qarighanda, 7-séntebir küni chira nahiyisi heywetlik qarshi élish murasimi ötküzüp, xitay ölkiliridin teklip qilin'ghan 1100 din köprek xitay oqutquchini kütüwalghan.

Igilinishiche, xitay ölkiliridin yuqiri ma'ash bilen qobul qilin'ghan bu 1100 din artuq xitay oqutquchi chira bazarliq merkiziy bashlan'ghuch mektep, chira yéziliq bashlan'ghuch mektep, gulaxma bazarliq merkiziy bashlan'ghuch mektep we damiko yéziliq bashlan'ghuch mekteplerde oqutquchiliq qilidiken. 

Kütüwélish murasimida chira nahiyisining hakimi shawket yasin söz qilip, "Chirada men, sen yaki u dégen gep yoq, peqetla biz dégen uqum mewjut. Ichki ölkilerdin kelgen oqutquchilar chira xelqining bexti," dégen. 

Közetküchiler, xitay hökümitining nöwette pütün küch bilen Uyghur ma'aripini xitaylashturush qedimini tézleshtüriwatqanliqini ilgiri sürmekte. 

Uyghur aptonom rayonluq ma'arip nazariti aldinqi ayda höjjet chiqirip, bu yil 9-ayning 1-künidin étibaren pütkül bashlan'ghuch we toluqsiz ottura mektep derslirining birdek xitay tilida ötülidighanliqini uqturghan idi.

Xoten wilayetlik ma'arip idarisimu 7-ayda "Qosh tilliq oqutushtiki 5 türlük belgilime" chiqirip, buningdin kéyin wilayetning ma'arip sistémisida Uyghur tilini qollinishning cheklinidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.