Xitay dalay lama seweblik norwégiyege yene naraziliq bildürdi

Muxbirimiz erkin
2013.12.20
Share on WhatsApp
Share on WhatsApp

Xitay tashqi ishlar ministirliqi jüme küni tibet rohaniy dahiysi dalay lamaning kéler yili norwégiyege qilidighan ziyariti munasiwiti bilen yene naraziliq bildürdi.

Norwégiye-xitay munasiwiti nobél komitétining 3 yil awwal öktichi zat lyu shawbogha “2010‏-Yilliq nobél tinchliq mukapati” ni layiq körüshi bilen bir qétim jiddiyliship ketken.

Bu nöwet, xitay tashqi ishlar bayanatchisi xu'a chünying dalay lamaning ziyaritige naraziliq bildürüp, junggo herqandaq döletning dalay lamani kütüwélishigha qarshi turidu, dégen.

U yene, junggo bashqa dölet hökümetlirining dalay lama bilen herqandaq shekildiki resmiy uchurushushigha qarshi turidu, dep körsitip, norwégiyeni xitayning négizlik menpe'itige hörmet qilishqa ündigen.

Nobél komitétining katipi gé'ir lundéstadning roytérs agéntliqigha ashkarilishiche, dalay lama kéler yili 5‏-ayda yerlik buddist teshkilatlarning teklipige bina'en norwégiyeni ziyaret qilidiken.

Xitay norwégiyege naraziliq bildürüshtin bir kün awwal, gensu ölkisining tibetler olturushluq amchok bazirida yene bir yash tibet rahib özige ot qoyup ölüwalghan.

U yézip qaldurghan wesiyitide,“Basqunchilar bayliqimizni, tinchliq we xushalliqimizni tartiwaldi” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.