D o q: térrorchi sabirxan hesenof Uyghur emes

Muxbirimiz jüme
2013-10-05
Share


Dunya Uyghur qurultiyi bayanat élan qilip, térrorluq gumanni bilen amérikida sotqa tartilip, özining Uyghur ikenlikini bildürgen sabirxan hesenofning Uyghur emeslikini bildürdi.

Sabirxan hesenof 30 - séntebir nyu - yorkta sotqa tartilghan. Uning yemen we dübeydiki térrorchilargha iqtisadiy yardemde bolghanliqi delillen'gendin kéyin, u 18 yilliq qamaq jazasigha buyrulghan idi.

Melum bolushiche, amérika we awstraliyening qosh puqraliq salahiyitige ige hesenof özining Uyghur ikenlikini bildürgen. Uning éytishiche, u 1980 - yili a'ilisi bilen Uyghur élidin awstraliyege köchmen bolup chiqqan we 10 yildin kéyin amérikigha köchüp kélip, nyu - yorkta yashighan.

Dunya Uyghur qurultiyi jüme künidiki bayanatida hesenof ependining sotta yalghan éytqanliqni bildürdi.

Bayanatta mundaq déyildi: dunya Uyghur qurultiyi hesenof ependi milliti heqqide éytqanlirining Uyghurlarning démokratiye arzusigha ziyan sélishi we amérikidiki Uyghur jama'itining inawitini töküshidin endishe qilidu.

Melum bolushiche, hesenof özining Uyghur ikenlikini bildürgendin kéyin, dunya Uyghur qurultiyi awstraliye we amérikidiki Uyghur jama'iti arqiliq uning kimlikini sürüshte qilghan. Emma, héchkim shundaq bir Uyghur barliqini anglap baqmighanliqini bildürüshken.

Dunya Uyghur qurultiyi bayanatida her sahe axbaratchilirini hesenofning kimliki mesiliside öz aldigha tekshürüsh élip bérishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet