D u q re'isi rabiye qadir xanim yawropa parlaméntida xongkong mesilisi toghruluq doklat béridu

Muxbirimiz erkin
2014-11-28
Share

D u q re'isi rabiye qadir xanim kéler ayning 3‏-küni bryusséldiki yawropa parlaméntida xongkong mesilisi toghruluq doklat béridu.

Uning "Xongkong naraziliqi namayishi xitayda démokratiye, di'alog we tinchliqqa qandaq ilham berdi" serlewhilik doklat bérish yighinini yawropa parlamént ezasi saba sogor bilen wakaletsiz milletler we xelqler teshkilati ortaq uyushturghan.

Rabiye qadir xanim ilgiri xongkongdiki naraziliq namayishi Uyghurlargha zor ilham béridighanliqini bildürgen.

U, "Xongkong xelqining bügünki namayishi, yalghuz Uyghurlarningla emes, u tibet xelqi, mongghul xelqi, shangxey, gu'angdung we barliq démokratiye, erkinlik izdewatqan, ünini chiqiralmaywatqan xitay xelqining awazi" dégen idi.

W m x t doklat bérish yighini heqqide toxtilip, rabiye qadir xanim yighinda "Uyghurlarning tinch, démokratik kürishi heqqidiki munaziriler heqqide toxtilidu. Xongkongdiki naraziliq namayishi we xitaydiki bashqa démokratik heriketlerning oxshashliqi, perqi we tejribe sawaqlar heqqide sözleydu" dégen.

W m x t yene, "Xitay hökümiti siyasiy hoquqni xelqqe tapshurush yolida zörür qedemlerni basmisa, bügün xongkongda partlighan naraziliq mutleq tibet, sherqiy türkistan, jenubiy mongghuliye we xitayda mutleq partlaydu" dep tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.