En'gliyening közitish kamiraliri nazaretchisi xitayning xeykang shirkitini Uyghurlar tüpeyli soraqqa tartqan

Muxbirimiz erkin
2021-08-20
Share

‍En'giliyening közitish kamiralirini nazaret qilish komissari xitayning xeykang shirkitining Uyghurlarni depsende qilishigha ishtirak qilghanliqini soraqqa tartqan. En'gliyediki "Régistér" namliq tor békiti xeykeng shikitining en'giliyediki tarmiqi bilen en'gliye közitish kamiraliri komissarining ‍öz ara yézishqan bu heqtiki keskin yazmilirini ashkarlighan.

"Régistér" torining éytishiche, xeykang shirkitining közitish kamiraliri komissari, proféssor fréyzér sampson bilen yézishqan yazmilirida xeykang shirkiti Uyghurlarning ‍insan heqlirini depsende qilishqa chétishliq, dep eyinlen'gen. Lékin xeykang shirkiti özlirining xatalashqanliqini ‍inkar qilghan.

Xitayning xeykang téxnologiye shirkiti ilgiri xitay hökümitining Uyghur ilida yuquri téxnikaliq nazaret sistémisi qurushigha hemkarliship, hökümetning nurghun toxtamlirigha érishken we buningdin zor payda tapqan. Melum bolushiche, bu shirket érishken toxtamlar Uyghur élidiki lagér, türme, meschitlerge yüz tonush kaméralirini orunlashturushni öz ‍ichige alghan. Shu tüpeyli amérika soda ministirliqi 2020-yili xeykang shirkitini ‍özining "Qara tizimliki" ge alghan idi.

Melum bolushiche, komissar fréyzér sampson bu shirketke yazghan bir yazmisida, uning shérikilirige ewetken xétide "Shinjang Uyghur aptonom rayonidiki Uyghur we bashqa az sanliq milletlerge qarita sadir qiliniwatqan jinayetni qobul qilghan-qilmighanliqi éniq emesliki" ni, uninggha éniqlima bérishini telep qilghan.

Xeykangning en'giliyediki tarmaq shirkitining bazar ishliri dériktori jastin xollis 10-awghust qayturghan xétide, xaykangning "Bu ishqa qarar qilidighan hoquqliq orun emesliki" ni ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet