Rejep tayyip erdoghan türk xelqini süriyelik musapirlargha quchaq échishqa chaqirdi

Türkiye bash ministiri rejep tayyip erdoghan shenbe küni süriye chégrasidiki türk yézisi reyhanlini ziyaret qilip, türk xelqini süriyedin kélidighan musapirlargha dawamliq quchaq échishqa chaqirdi.

Rejep tayyip erdoghan mundaq dédi: mohtajliqta qalghan qérindashlirimizgha yardem qilishimiz kérek. Ular bizge ishen'genliki üchün bu yerge kelgen.

Mezkur yézida 11 - may partlash yüz bérip, 51 adem ölgen we 100 yéqin adem yarilan'ghan idi.

Türkiye da'iriliri mezkur hujumni esed hökümitige sadiq bir radikal teshkilati qilghanliqini ilgiri sürgen bolsa, süriye buni ret qilghan.

Bu hujum türkiye xelqide süriyeliklerge nisbeten öchmenlik peyda qilghan.

Netijide reyhanlidiki bir qisim süriyilikler hujumgha uchrighan, mashiniliri urup - chéqilghan idi.

Erdoghan mundaq dédi: xalisa héchkim öz öyidin ayrilmas idi. Shunga biz qérindashlirimizgha quchiqimizni keng échishimiz kérek.

Erdoghan yene süriye xelqigimu signal bérip: qozghilangchi küchler bu diktatorni choqun aghduridu, dédi.

Esed hökümiti öz xelqi üstidiki qanliq basturushni toxtamighadin kéyin, türkiye süriye bilen bolghan barliq diplomatik munasiwetlirini üzgen idi.