Горбачев - натони русийәгә қарши "қизиқ" урушқа һазирлиқ көрүватиду, дәп әйиблиди

Мухбиримиз җүмә
2016-07-09
Share


Сабиқ совет иттипақниң ахирқи президенти михайил горбачев шималий атлантик әһди тәшкилати - натони русийәгә қарши "қизиқ" урушқа һазирлиқ көрүватиду, дәп әйиблиди.

Азадлиқ радиосиниң хәвәр қилишичә, униң бу сөзлири и русийәдин чиқидиған интерфакс агентлиқида 9 - июл хәвәр қилинған.

Хәвәрдә нәқил қилишичә горбачев мундақ дегән: "нато соғуқ урушни қизиқ урушқа қарап тәрәққий қилдуридиған һазирлиқларни башливәтти."

Русийә 2014 - йили қирим йерим арилини қанунсиз бесивалғандин кейин ғәрб дөләтлири русийә иқтисадий ембарго қойған вә нато шәрқий явропадики һәрбий мәвҗутлуқини күчәйтишкә башлиған.

Җүмә күни натоға әза дөләтләрниң алий дәриҗиликләр рәһбәрлири полша пайтәхти варшавада учрашқан вә русийәниң шәрқий явропа әллиригә пәйда қиливатқан тәһдиткә қандақ тақабил туруш мәсилисини музакирә қилған иди.

Җүмә күни нато ниң баш секретари җәнс столтенберг: "биз соғуқ мунасивәтләр уруши ахирлашқандин буянқи әң чоң бирләшмә мудапиә вә тосуш иқтидаримизни ислаһ қилиш вә күчәйтиш һәрикити башлидуқ" дегән иди.

Горбачевниң юқири сөзлири нато варшавадики йеғида шәрқий явропаға көп миқдарни әскәр йөткәш қарарлаштурулған мәзгилгә тоғра кәлди.

У нато рәһбәрлириниң пәқәт мудапиә һәққидила сөзлигән билән әмәлийәттә уларниң бир һуҗум һәрикитигә тәйяргәрлик көрүватқанлиқини билдүргән.

У, мундақ дегән: варшавадин келиватқан риторик хитаби әмәлийәттә русийәгә уруш елан қилиш садасидин башқа нәрсә әмәс."

Һалбуки, нато даирилири шәрқий явропадики һәрбий мәвҗутлуқиниң пәқәт мудапиәни күчәйтишни мәқсәт қилидиғанлиқи, буниң һәргизму русийә билән тоқунушни көздә тутмайдиғанлиқини тәкитләп келиватқан болсиму, буни русийә қобул қилмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт