Xitayning intérnét tosuqliridin ünümlük ötüp kételeydighan bir qisim qanallarni zerbe nishani qilghanliqi melum

Muxbirimiz jüme
2015.01.24
Share on WhatsApp
Share on WhatsApp


Xitay da'irilirining xitaydiki intérnét tosuqliridin ünümlük ötüp kételeydighan bir qisim qanallarni zerbe nishani qilghanliqi melum.

Xitaydin chiqidighan “Yershari waqit géziti” ning 24 - yanwardiki xewirige qarighanda, da'iriler nöwette özining intérnét süzgüch yumtalini ilgharlashturup, VPN yeni “Mewhum xususiy tor” qanallirini tosushqa tutun'ghan.

VPN Xitayning tor tosuqliridin ötüp kételeydighan mexpiy ulinish bilen teminleydighan intérnét mulazimiti bolup, bu mulazimet qollinilsa intérnét xitay mulazimétirliridin xupiyane halqip ötüp xitayda chekligen barliq tor betlirini ulinish bilen teminleydiken.

Bundaq bolghanda, mezkur mulazimet teminligen mexpiy tor alaqisi xitayning bayqash yumtallirigha chüshmeydiken.

Nöwette xitay da'iriliri xitay intérnét süzgüchlirining tosush funksiyelirini ashurup VPN alaqisige zerbe bérishke ötken.

Xitaydiki köpinche tor qollan'ghuchilirini VPN mulazimiti bilen teminleydighan astrill shirkiti öz shirkitining nöwette zor riqabetke duch kéliwatqanliqi, emma xitaydiki tor cheklimisige qarishi kürishining téxi tügimigenlikini bildürgen.

Astrill shirkiti hindi okyandiki aral döliti séyshél jumhuriyitide qurulghan bolup, mulazimitidiki yuqiri derijidiki mexpiyliki bilen xitay tordashlirining qollishigha érishken shirket idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.