“Intérpol” )xelq'ara saqchi teshkilati( ning bashliqi méng xongwéy xitaygha qaytip yoqap ketken

Muxbirimiz sada
2018.10.05
Share on WhatsApp
Share on WhatsApp

Xitay dölet xewpsizliki ministirliqining sabiq mu'awin ministiri, “Intérpol”, yeni xelq'ara saqchi teshkilatining bashliqi méng xongwéy 29-séntebir küni firansiyedin xitaygha qaytqandin kéyin, iz-déreksiz ghayib bolghan.

Méng xongwéyning firansiyede qep qalghan a'ile tawabi'atliri firansiye saqchi da'irilirige méng xonwéyning xitaygha qaytqandin kéyin iz-dérikining bolmighanliqini, a'ilisining uning bilen bolghan alaqisining pütünley üzülgenlikini, uning hazir nede turuwatqanliqini heqqidimu héchqandaq uchur alalmighanliqini bildürgen.

64 Yashliq méng xongwéy ayali we baliliri bilen firansiyening lé'on shehiride yashaydiken. U 2016-yili noyabirda “Intérpol” ning bashliqliqigha teyinlinip, a'ilisi bilen firansiyege kélip waqitliq olturaqlashqan. Uningdin ilgiri u xitay dölet xewpsizliki ministirliqining mu'awin ministiri, xitay döletlik déngiz qirghiqini qoghdash qismining bashliqi we xitay döletlik déngiz-okyan bashqurush idarisining mu'awin bashliqi qatarliq wezipilerni ötigen.

Bu yil 23-féwralda “Intérpol” dunya Uyghur qurultiyining re'isi dolqun eysaning intérpolning “Qizil renglik tizimliki” din chiqirip tashlighanliqini bildürgen we bu mesilide xitayning qanun boyiche ish qilmighanliqini eyibligen idi. Halbuki, xitay hökümiti bu mesilide qattiq étiraz bildürgen idi.

Közetküchiler “Intérpol” ning xitay bashliqining xitaygha qaytishi bilen yoqap kétishi uning bu wezipide turghan mezgilide xitay hökümiti oylighandek xitayning paydisigha ish tewritelmigenliki, hetta xitay “Térrorchi” tizimigha kirgüzgen dolqun eysaning ismining “Intérpol” ning “Qizil renglik tizimliki” din chiqiriwétilishi bilen munasiwetlik bolushi éhtémalliqini texmin qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.