Uyghur irqiy qirghinchiliqini tonush heqqidiki teklip layihesi italiye parlaméntida tonushturulidiken

Muxbirimiz irade
2021-03-25
Share

Italiye parlaméntining ezasi, parlamént tashqiy ishlar komitétining mu'awin bashliqi pawlo forméntin italiye parlaméntida xitay hökümiti Uyghurlargha yürgüzüwatqan zulumni irqiy qirghinchiliq dep tonush heqqidiki teklip layihesini tonushturidighanliqini jakarlighan.

U 24-mart küni parlaméntta qilghan sözide, xitay hökümitining Uyghur musulmanlirigha qaritiwatqan zulumigha a'it ashkarilan'ghan nurghun ispatlarning b d t irqiy qirghinchiliqqa qarshi turush xitabnamiside irqiy qirghinchiliqqa bérilgen tebirge mas kélidighanliqini eskertip, italiyeningmu bu zulumgha qarap turmasliqi we uni irqiy qirghinchiliq dep tonushi kéreklikini bildürgen.

Xelq'ara mustebitlikke qarshi turush teshkilatining bildürüshiche, pawlo forméntin parlaménttiki sözide yene xitay hökümitining yawropa parlaméntidiki kespdashlirigha jaza tedbiri qoyghanliqinimu qattiq tenqidligen we uni qobul qilghusiz, dep körsetken. Italiye parlamént ezasi pawlo forméntin xitay mesilisi boyiche parlaméntlar ara hemkarliq guruppisiningmu ezasi iken.

Nöwette amérika hökümitidin bashqa, kanada we gollandiye qatarliq döletler parlaméntliri bu zulumni irqiy qirghinchiliq, dep tonidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet