Istanbul atatürk ayrodromidiki térrorluq hujumda hayatidin ayrilghan Uyghur yash yerlikige qoyuldi

Muxbirimiz méhriban
2016.06.30
Share on WhatsApp
Share on WhatsApp

28-Iyun istanbul atatürk xelq'ara ayrodromida yüz bergen térrorluq hujumida oq tégip hayatidin ayrilghan Uyghur yash abdulhekim bughdaning jinaza namizi peyshenbe küni chüshürülüp, méyiti yerlikke qoyuldi.

Türkiye t r t radiyosi xewiridin melum bolushiche, merhumning 30-iyun esir namizidin kéyin istanbul zeytinburnudiki amine inanch jameside chüshürülgen jinaza namizigha türkler we istanbuldiki Uyghurlar bolup nurghun adem qatnashqan. Merhumning türkiye bayriqi yépilghan jinazisi zeytinburnudiki siliwrikapi aywali qebristanliqida yerlikke qoyulghan.

Féysbuk qatarliq ijtima'iy taratqular we radiyomiz igiligen ehwallardin melum bolushiche, türkiyediki “Chelebi” namliq bir téz yetküzüsh shirkitining istanbul atatürk ayrodromidiki tarmiqida ishleydighan Uyghur yash abdulhekim bughda 1991-yili tughulghan bolup, u 28-iyun kech sa'et 9 din 22 minut ötkende meydan'gha kelgen qanliq térrorluq hujumida üch pay oq tégip éghir yarilan'ghandin kéyin, qutquzush ünüm bermey wapat bolghan.

Atatürk xelq'ara ayrodromida yüz bergen térrorluq hujumida 41 adem hayatidin ayrilip, 239 adem yarilan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.