Хитай җәнубий деңиздики сүний аралларда һәрбий әслиһәлирини қурған

Хитай һөкүмити җәнубий деңизниң игилик һоқуқ талаш-тартиштики сүний аралларда чоң көләмлик бир қанчә һәрбий мудапиә әслиһәлирини қурған. Асиядики деңиз окян ишлирини көзитидиған бир америка тәтқиқат орниниң чаршәнбә күни елан қилған сүний һәмра рәсимлиридин мәлум болушичә, хитай сепратил тақим араллириға қарашлиқ 7 сүний аралниң һәммисидә һәрбий истиһкамларни қуруп, нурғун чоң типлиқ зәмбирәк вә кичик көләмлик башқурулидиған бомба системилирини орунлаштурған.

Бу йил 7-айдин бери, сүний һәмра арқилиқ бу араллардики һәрбий әслиһәләрни разветка қилип келиватқан мәзкур тәтқиқат орни бу әһвални чаршәнбә күни елан қилған доклатида ашкарилиди.

Мәзкур орган доклатида, хитайниң бу аралларда һәрбий қоманданлиқ мәркизи вә мудапиә техника әслиһәлирини орунлаштурғанлиқини билдүргән. Униң қәйт қилишичә, хитай бу һәрбий әслиһәләрни өзиниң бу араллардики һава армийә базилири һуҗумға учрап қалса, ахирқи мудапиә сепи қилип қоллиниши мумкин.

Мәзкур орган бу йил 6 вә 7-айлардин башлап, бу хил һәрбий мудапиә әслиһәлириниң ферий крос, мисчеф, суби қатарлиқ сүний аралларда байқалғанлиқини, һазир бу әслиһәләрниң гавен, һугес, җонсон, куартерон сүний араллирида қуруливатқанлиқини илгири сүргән.

Буниңдин бурун хитайниң ферий крос, суби, мисчеф хада таш араллирини тиндуруп, уруш айропиланлириниң учуш йоллирини ясиғанлиқи ашкариланған иди. Америка тәтқиқат орниниң билдүрүшичә, хитай бу әслиһәләрни мудапиә характерлик десиму, әмма униңға зәмбирәк вә йеқин мусапилиқ қоралларни орунлаштуруши кәлгүси тоқунушқа тәйярлиқ қиливатқанлиқини көрситидикән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар