Кишилик һоқуқни көзитиш тәшкилати хитай хәлқ қурултийини “анти террорлуқ” қануни” ни рәт қилишқа чақирди

Мухбиримиз әркин
2015.02.27
Share on WhatsApp
Share on WhatsApp


Кишилик һоқуқни көзитиш тәшкилати 27 - феврал хитай хәлқ қурултийиға очуқ хәт елан қилип, қурултайни һөкүмәт “террорлуққа қарши туруш қануни” ни кишилик һоқуқ вә хәлқара қанунға уйғун һалға кәлтүрмисә, рәт қилишқа чақирди.

Хитай хәлқ қурултийиниң 12 - нөвәтлик 3 - омумий йиғини келәр айниң башлирида ечилиду.

“террорлуққа қарши туруш қануни” йиғинниң әң асаслиқ музакирә күнтәртиплириниң бири. Кишилик һоқуқ көзитиш тәшкилати, қанун лайиһәсиниң мәвҗут һалити “җинайәт гумандарлирини қоғдайдиған әқәллий қануний капаләт йоқ, бурун террорлуққа қарши туруш намида кишилик һоқуққа еғир бузғунчилиқ қилинған әһвалда, бузғунчилиқни қанунлаштуруп, кәлгүсидики бузғунчилиққа йол ачидиғанлиқи” ни тәкитлигән.

Очуқ хәттә кишилик һоқуқ бузғунчилиқиниң уйғур елидә әң еғир икәнликини тәкитләп: “бу хил бузғунчилиқниң пүтүн хитайда болупму шинҗаң уйғур аптоном районида йүз бәргәнлики ениқ. Бу район террорлуқ һәрикити вә сиясий зораванлиқниң еғир тәсиригә учриди” дегән.

Кишилик һоқуқни көзитиш тәшкилатиниң очуқ хәттә илгири сүрүшичә, бу қанунда террорлуқ интайин кәң даирилик шәрһлинип, тинч өктичиләрниң яки хитай һөкүмити вә компартийәсиниң миллий, диний сияситини тәнқид қилғучиларниң бу қанун билән җазалинишиға йол ечип берилгән. Очуқ хәттә йәнә, хитай хәлқ қурултийини б д т ниң пуқралиқ вә сиясий һәқләр әһдинамисини тезрәк тәстиқлашқа, хоңкоң хәлқиниң сайлам һоқуқиға һөрмәт қилишқа, черикликкә қарши турушта қанунға риайә қилишқа чақирған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.