Türmidiki yazghuchi lyu shawboni qoyup bérish imza toplash pa'aliyiti küchlük qollashqa érishti

Jenubiy afriqiliq kishilik hoquq pa'aliyetchisi, nobél mukapati sahibi tütü yéqinda xitay hökümitidin türmidiki xitay yazghuchisi lyu shawboni qoyup bérishni telep qilip, bir imza toplash herikiti qozghighan idi.

Mezkur heriket qollighuchilarning qizghin awaz qoshushigha érishken bolup, hazirghiche dunya miqyasi boyiche 140 neperdin artuq nobél mukapati sahibi we 400 mingdin artuq kishi bu chaqiriqqa qol qoyghan.

Seyshenbe küni chet'ellerdiki xitay démokratiye herikitining rehberliridin wang den we örkesh döletler teywende mezkur imza pa'aliyiti heqqide muxbirlarni kütüwélish yighini chaqirghan. Ular sözide teywen hökümet rehberlirini lyu shawboning mesilisige köngül bölüshke chaqirghan.

Pütün dunya miqyasidiki 120 ge yéqin dölettiki qollighuchilar teripidin imzalan'ghan bu xet yéqinda xitay hökümitige tapshurulmaqchi. Öktichi xitay yazghuchi lyu shawbo “2008 Xitabnamisi” ni teyyarlap, xitaydiki milletler mesilisini bir terep qilish üchün, fédératsiye tüzümini yolgha qoyushni teshebbus qilghanliqi üchün xitay hökümiti teripidin 11 yilliq qamaq jazasigha höküm qilin'ghan idi.