Ma shingruy siyasiy angni kücheytishni alahide tekitlidi

“Xitay xewerliri tori” ning 8-marttiki xewiride éytilishiche, béyjingda “Ikki yighin” gha qatnishiwatqan “Shinjang wekiller ömiki” xitay re'isi shi jinpingning “Memliketlik siyasiy kéngeshning 13-nöwetlik 5-omumiy yighini” gha kelgen wekillerge sözligen sözining rohini öginish témisida yighin achqan.

Bu qétimqi yighinda Uyghur aptonom rayonluq partkomning sékrétari ma shingruy ayrim söz qilip, “Jungxu'a millitining ulugh güllinishige bolghan yüksek ishenchi” ni ipadilep, siyasiy höküm qilish iqtidarini, siyasiy angni, siyasiy wezipilerni ijra qilish iqtidarini ashurushni alahide tekitligen. Shuningdek “Bash sékrétar shi jinpingni'ing rehberlikide algha ilgirilesh yolidiki herqandaq tosqunluqni toluq süpürüp tashlash” kéreklikini bildürgen.

Ma shingruy sözide “Döletning ulugh siyasiti” ni bash nishan qilghan halda Uyghur diyarining yéza igilik ishlepchiqirishini rawajlandurush, shuningdek ashliq ishlepchiqirishning bixeterlikige alahide diqqet qilishni otturigha qoyghan.

Melum bolushiche, xitay hökümiti ‍uyghur diyarini eng chong “Énérgiye ambiri” qiliwalghandin bashqa ötken birnechche yildin bashlap xitayning eng chong baqmichiliq bazisi qilishqa yüzlen'genliki köp tereplime uchurlardin melum bolghanidi. Emdilikte ularning “Ashliq ishlepchiqirishi” bilen “Siyasiy angni östürüsh” ni bir gewdileshtürüshini beziler xitay hökümitining Uyghur diyarini téximu chong ashliq ishlepchiqirish bazisi qilmaqchi boluwatqanliqidin bésharet, dep qarimaqtiken. Buningdin ilgirirek bolsa xitay hökümitining altay taghliridin tarim wadisigha su yötkeydighan ghayet zor qurulushni bashlighanliqi heqqide xewerler otturigha chiqqanidi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar