Ма шиңрүй сақчиларни тәқдирләш йиғини ечип, 20-қурултайға тәйярлиқ қилиш сәпәрвәрликини башлиған

Мухбиримиз җәвлан
2022.06.22
Share on WhatsApp
Share on WhatsApp

Хитайчә “тәңритағ” ториниң хәвиригә қариғанда, уйғур аптоном районлуқ парткомниң секретари ма шиңрүй 22-июн күни “мунәввәр сақчиларниң иш-излирини доклат қилиш йиғини” ечип, “террорлуққа зәрбә берип муқимлиқни қоғдаш” ни қанунлаштуруш, даимилаштуруш вә кәсипләштүрүшни тәкитлигән һәмдә “партийә 20-қурултийиниң мувәппәқийәтлик ечилиши үчүн сағлам иҗтимаий вә сиясий муһит яритиш” ни тәләп қилған.

Йиғинда 10 нәпәр доклатчи үрүмчи, қумул, йәкән, қарамай, чақилиқ қатарлиқ җайлардики “илғар сақчи әтрәтлири” ниң паалийәтлирини тонуштурғандин башқа, “хәлқ қәһримани” дәп аталған ғәйрәт мамут, рахман әһәт қатарлиқ 4 нәпәр сақчиниң иш-излирини сөзлигән.

Мәлуматларға қариғанда, гума наһийә көктерәк йеза сақчиханисиниң сабиқ башлиқи ғәйрәт мамут 2013-йил “террорчиларни қоғлап тутуш” һәрикитидә, аталмиш бир “террорчи” ни нәқ мәйданда етип өлтүргән. 2016-Йил 9-айда ғәйрәт мамут сақчи әтритини башлап, “террорчиларниң каттивеши” ни қапсивелип тутай дегәндә, чиқиш йоли тапалмиған “террорчи” өзини қошуп партлатқан, ғәйрәт мамутму нәқ мәйданда өлгән.

2017-Йил хитай җ х министирлиқи ғәйрәт мамутқа “мәмликәтлик җ х системисидики 1-дәриҗилик қәһриман” дегән намни бәргән; 2019-йил хитай һөкүмити униңға хитай сақчилири ичидин чиққан “хәлқ қәһримани” дегән намни бәргән.

Йеқиндин буян хитай мәтбуатлирида аталмиш “террорлуққа қарши туруш қәһриманлири” көпләп тәшвиқ қилинмақта. “шинҗаң сақчи һөҗҗәтлири” дә көрситилгинидәк, чен чүәнгониң “қаршилиқ қилғанларни нәқ мәйданда өлтүрүш” буйруқи ғәйрәт мамуттәк рәһимсиз сақчиларни қутритип, уларни өз хәлқиниң қатиллириға айландурған. Әмма хитай һөкүмити үчүн улар тепилғусиз үлгә вә “хәлқ қәһримани” һесабланған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.