Малайшиядин бейҗиңға қарап учқан бир йолучилар айропилани ғайип болди

Мухбиримиз җүмә
2014-03-08
Елхәт
Пикир
Share
Принт


Малайшиядин бейҗиңға қарап учқан бир йолучилар айропиланниң деңизға чүшүп кәткәнлики илгири сүрүлмәктә.

Хәвәрләргә қариғанда, мәзкур йолучилар айропиланида 227 нәпәр йолучи, 12 нәпәр айропилан хадими болуп, йолучиларниң көпинчиси хитай пуқраси икән.

Айропилан куала - лумпурдин бейҗиңға қарап йолға чиқип бир саәттин кейин башқуруш мунари билән алақисини йоқатқан.

Малайшия һава йоллири ширкитиниң мудирийәт башлиқи әһмәд җәвһәр йәһя: биз һазир һәр қандақ еһтималлиқни чәткә қақмаймиз, деди.

Мәзкур айропиланниң башқуруш мунари билән алақиси үзүлгинигә 24 саәт болған болсиму, һазирғичә дерики болмиған. Айропилан чүшүп кәткән болса, айропилан чүшүп кәткәнликигә аит бәлгиләрму йоқ икән.

Һазирчә айропиланиң булап кетилгәнлики вә яки террорлуқ һуҗумиға учриғанлиқи мәлум әмәс икән.

Нөвәттә көп дөләт хадимлиридин тәшкилләнгән бир издәш әтири мәзкур айропилани издимәктә икән.

Пикирләр (0)
Share
Толуқ бәт