Канада мәҗбурий әмгәк мәһсулатлирини импорт қилишни чәкләйдиғанлиқи һәққидә вәдә бәргән

Канаданиң әмгәк министири келәр йили бир қошумчә қанун чиқирип, мәҗбурий әмгәк мәһсулатлириниң канадаға импорт қилинишиға хатимә беридиғанлиқи һәққидә вәдә бәргән.

Канаданиң “йәр шари вә почта” гезитиниң хәвиригә қариғанда, юқириқи бу қошумчә қанун хитай һөкүмитиниң мәҗбурий әмгәк сияситиниң зиянкәшликигә учраватқан уйғурларға ярдәм қилишни мәқсәт қилидикән.

Канада әмгәк министири симус ореган (Seamus O'Regan) “йәр шари вә почта” гезитиниң зияритини қобул қилғанда, бу қошумчә қанунниң кеңәш палатасида көрүлүватқан S-211 қанун лайиһәсигә қошумчә қилинидиғанлиқини билдүргән. юқириқи қанун канада ширкәтлири вә һөкүмәт органлириниң тәминләш зәнҗирлиридики мәҗбурий әмгәкни ашкара доклат қилишни тәләп қилидиған қанун лайиһәси болуп, униң мақуллиниш еһтималлиқи юқири икән.

Дуня уйғур қурултийи бу һәқтә тивиттерда қилған баянатида, юқириқи бу қанунниң канада ширкәтлириниң уйғур мәҗбурий әмгикиниң пайдисиға шерик болушиниң алдини елиштики муһим қәдәм болуп қалидиғанлиқини билдүргән.