Xitay da'iriliri yaponiyedin qaytqan Uyghur ziyaliysi méhray erkinning ‍ölümini uning ‍özige artip qoyghan

Muxbirimiz erkin
2021-09-20
Share

Xitay da'iriliri mexsus widiyo ishlep, 2019-yili yaponiyedin qeshqerge qaytqanda tutqun qilinip, türmide ölgen yash Uyghur ziyaliysi méhrab erkinning ‍ölüsh sewebini uning özige artip qoyghan. "Diplomat" zhurnilining xewer qilishiche, xitay da'irilirining "‍Ölüm ispati" namliq mezkur widiyosida, méhray erkinning erkin asiya radiyosi xewer qilghandek soraq jeryanida ölmigenliki, eksiche uning ölümining B tipliq jiger yallughining egeshme késelliklirini dawalashni ret qilghanliqi seweblik bolghanliqi ilgiri sürülgen.

"Diplomat" zhurnilining éytishiche, xitayning chet'eldiki Uyghurlarning ghayib bolghan uruq-tughqanlirini ékran'gha chiqirip, kompartiyeni maxtitishi kompartiyening pa'aliyetchilerge qarshi izchil ishlitip kelgen taktikisi iken. Méhray erkin yaponiyediki nara pen-téxnika institutining tetqiqatchisi bolup, u 2019-yili qeshqer da'irilirining uning ata-anisigha bésim ishlitishi arqisida yurtigha qaytip barghanda qolgha élinip türmide ölgen. Radiyomiz yéqinda uning soraq jeryanida ölgenlikini delilligenidi.

Bu widiyoning süretke élin'ghan waqti we orni melum emes. Widiyoda 30 yashliq méhray erkinning atalmish doxturi dilare mahmutni ziyaret qilin'ghan. Dilare mahmut méhray erkinning B tipliq jiger yallughida "Köp xil ichki ezalirining iqtidari ajizlishish" seweblik ‍ölgenliki, uning dawalinishni ret qilghanliqini ilgiri sürgen.

Lékin közetküchilerning éytishiche, bu widiyo méhray erkinning ‍ölüm sewebige qarita téximu gumanliq so'allarni peyda qilghan. "Diplomat" zhurnilining xewiride, xitayning lagér shahitlirini étiwarsizlashturush herikiti uning "Ölüm ispati" namliq bu widiyoni tarqitip, "Méhray erkinning ölümini uning özi peyda qilghan, dep élan qilishi bilen qorqunchluq burulush yasighanliqi" bildürülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet