Misir re'isi muhemmed mursi aghduruldi

Misir herbiy da'irilirining xitabnamisi bilen misirda bir yildin buyan hakimiyet yürgüzüp kéliwatqan re'isi muhemmed mursi aghduruldi.

Misir herbiy da'iriliri charshenbe küni kechqurundiki xitabnamiside misir asasiy qanunini waqitliq emeldin qaldurdi, misir aliy mehkimisining bash qazisi edli el mensurni waqitliq hökümning re'islikige békiti we uzun'gha qalmay re'islik saylimi ötküzülidighanliqini élan qildi.

Melum bolushiche, el-mensur peyshenbe küni qesem bérip wezipe tapshuruwalidiken.

Charshenbe küni kechqurun misirning bash herbiy générali abdel fattah el sisi téléwiziye bayanati élan qilip, mursining resmiy aghdurulghanliqini bildürdi. Uning keynide misirdiki nopuzluq herbiy, diniy we siyasiy rehberler orun alghan idi.

Sisi ning bildürüshiche, nöwette misir asiy qanunini közdin kechürüp tüzitish kirgüzüsh guruppisi teshkilligen bolup, bularning ichide yashlar herikitining rehberlirigimu orun bérilidiken.

Mursining féyisbok béti herbiy da'irilirining siyasiy özgirish qozghighanliqini bildürüp ularning xitabnamisini ret qilghanliqini élan qildi.

Muhemmed mürisi misirda nechche on yildin buyanqi tunji démokratik yosunda saylap chiqilghan re'isi bolup, u 2012-yil 30-iyun wezipe tapshuruwalghan idi.

Melum bolushiche, mursi nöwette misir qoghdighuchilar etriti gazarmisida panahlinip turmaqta iken.

Général sisining xitabnamisi élan qilghinidin kéyin, bu bir qisim misirliqlarni xursen qilsa, mursini qollighuchi musulman qérindashlar jama'itini ghezeplendürgen.

Bir qisim közetküchiler, misirda yene bir meydan nazliq namayishlarning meydan'gha kélidighanliqidin bésharet bermekte.