Da'iriler xitayche “Seyshin” torining taqiwétilgenlikini ashkarilighan, “Misranim” we “Bozqir” din xewer yoq
Firansiye axbarat agéntliqining xewer qilishiche, xitaydiki ijtima'iy axbarat torliridin, nisbeten xelqchilliqi bilen tonulghan “Seyshin” tori taqiwétilgen.
Melum bolushiche mezkur tor hazirgha qeder xitay hökümitini tenqid qilidighan maqalilerni pat-pat élan qilip turuwatqan, da'iriler bu maqalilerni udulluq öchürüwétip barghan bolsimu, torgha mexsus bir jaza qollanmighan. Öchürülgen maqaliler yene bashqa torlarning köchürüp bésishi bilen bir mehel tesirini dawamlashturup kelgen.
Yéqinda 168 neper adwokat mezkur torda bir ochuq xet élan qilghan؛ ochuq xette da'irilerning adwokatlarning torda teshkillinishini cheklesh heqqidiki bir höjjitige naraziliq bildürülgen. Bu seyshin torining taqilishigha seweb bolghan. Da'iriler muxbirlarning bu heqtiki so'aligha jawaben mezkur torning uzundin béri teshwiqat intizamigha xilapliq qilip kelgenlikini we nachar mezmundiki yazmilar bilen jem'iyette yaman tesir peyda qilghanliqini bayan qilghan.
Melum bolushiche, da'irilerning tor taqiwétish jazasi Uyghur rayonida waz kechmey kéliwatqan muqimliq tedbirliridin biri. Rayondiki meshhur torlardin misranim we bozqir tori taqiwétilginige birqanche ay bolghan bolsimu, da'iriler bügün'ge qeder bu heqte jem'iyet yaki axbaratqa héchqandaq melumat bermidi.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- “Xitayning dölet halqighan basturush xewpi we buninggha qarshi amérikaning inkasi”
- Xitay j x ministiri jaw kéji: “Shinjangdiki küreshte shi jinpingning ümidi emelge ashti!” (1)
- Yoqitiliwatqan Uyghur milliy örp-adetliri
- Türkiyediki Uyghurlar duch kéliwatqan qiyinchiliqlarni hel qilish üchün türkiye hökümitige iltimas sunuldi
