موڭغۇل ئەرزدارنىڭ ئۆزىنى ئۆلتۈرۈۋېلىش ۋەقەسى نامايىشقا سەۋەب بولدى


2015-01-28
Share


ئىچكى موڭغۇلنىڭ پايتەختى كۆكخوتقا يەر داۋاسى قىلىپ كەلگەن 45 ياشلىق موڭغۇل ئەرزدار تۆمۇرنىڭ 19 - يانۋار ئۆزىنى ئۆلتۈرۈۋېلىش ۋەقەسىدىن كېيىن، كۆكخوت شەھىرىدىكى 300 دىن ئارتۇق موڭغۇل ئەرزدارنىڭ نارازىلىق نامايىشى يۈز بەردى.

چەتئەللەردىكى موڭغۇل تەشكىلاتلىرىدىن جەنۇبىي موڭغولىيە ئۇچۇر مەركىزىنىڭ ئەركىن ئاسىيا رادىيوسىغا بىلدۈرۈشىچە، 26 - يانۋار دۈشەنبە كۈنى كۆكخوت شەھىرىدە نامايىش قىلغان 300 دىن ئارتۇق موڭغۇل ئەرزدار ھۆكۈمەتتىن يايلاقنى چارۋىچىلارغا قايتۇرۇپ بېرىشنىى، موڭغۇل چارۋىچىلىرى ئۈچۈن ئادالەت تەلەپ قىلىدىغانلىقىنى بىلدۈرۈپ شوئار توۋلىغان.

يېقىنقى بىرقانچە يىلدىن بۇيان ئىچكى موڭغۇلدا موڭغۇللارنىڭ يايلاقلىرىنى ئىگىلىۋالغان خىتاي شىركەتلىرى بىلەن يەرلىك موڭغۇل چارۋىچىلارنىڭ زىددىيىتى كۈچەيگەن. بۇ سەۋەبلىك يەرلىك موڭغۇل چارۋىچىلىرى يايلاق داۋاسى ۋە بۇلغانغان مۇھىتقا نارازىلىق بىلدۈرۈپ كۆپ قېتىم نارازىلىق نامايىشى ئېلىپ بارغان. ئۆتكەن ھەپتە يەنى 20 - يانۋار كۈنى ئىچكى موڭغۇلنىڭ شىلىنغۇل يايلىقىدا موڭغۇل چارۋىچىلىرىنىڭ نارازىلىق نامايىشى يۈز بەرگەن ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت